«Nodus qosymshalar dızaınerimen jumys isteý arqyly men iPhone 8-diń CAD faıldaryn kóre aldym. Túrli senimsizdikterge qaramastan Apple alǵan betterinen qaıtpaıdy jáne qosalqy josparǵa jol bermeıdi dep tolyqtaı aıta alamyn», deıdi Gordon Kellı.
Endi Apple oǵan deıingi telefondaryndaǵy qatelikterdi tolyqtaı eskerip, qoldanýshylarǵa minsiz iPhone 8 usynbaqshy. Úlkeıtilgen 5,8-dıýım dıspleıdiń joǵarǵy jaǵynda aldyńǵy kamera men datchıkterge arnalǵan jolaq paıda bolady. Bul - habarlamalar iOS 11-de jańasha kórsetiledi degen sóz.
Sonymen qatar, Apple kompanııasy iPhone 7 Plus-te kóldeneń ornalasqan artqy kamera men jarqylyn iPhone 8-degideı tiginen ornalastyrady. Buǵan túrtki bolǵan kóldeneń ornalasqan kameralardyń ónimdiligi. Boljamdar boıynsha, telefon kóbinese kóldeneń qoldanylatyn bolady.
«Resmı sýretterde kórsetilmegenimen, men iPhone 8 telefonynda jaryqtandyrý porty USB Type-C qurylǵysyna kóshpeıtindigin rastaı alamyn. Esterińizge sala keteıin, bul qurylǵy MacBook noýtbýkterinde keńinen qoldanylady. Jáne taǵy bir jańalyq, qulaqqaptarǵa arnalǵan bólim sońǵy modelde de bolmaıdy», deıdi brıtandyq jýrnalıst.
Budan bólek, eń ózekti jańalyq «úıge» aparatyn batyrmanyń tóńireginde.
Apple kompanııasy iPhone 8 úshin telefonnyń kólemin shamamen eki esege arttyrýǵa bel býdy. Al dıspleıge Touch ID fýnksııasyn biriktirý máselesi týraly eki oıly bolyp otyr. Kompanııa Sony-diń tájirıbesin kóshirip, Touch ID fýnksııasyn qýat túımesine biriktire alady. Bul eń utymdy sheshim jáne Apple qazirdiń ózinde sol úshin patent alǵan bolatyn.
iPhone 8 týraly áli de ashylmaǵan qupııalar barshylyq: batareıa syıymdylyǵy, kamera sıpattamalary, A11 chıpsetiniń ónimdiligi jáne t.b.
Al onyń syrtqy kelbetine keletin bolsaq, hanymdar men myrzalar, bul naǵyz iPhone 8 deýden basqa sóz qalmaıdy.
