«Bıylǵy jyldyń 1 maýsymynda elimizdegi halyq sany 18 014,2 myń adamǵa jetti, sonyń ishinde qalalyqtar 10 358,0 myń (57,5%), aýyldyqtar 7 656,2 myń adamdy (42,5%) qurady. 2016 jyldyń 1 maýsymymen salystyrǵanda halyq sany 239,2 myń adamǵa nemese 1,3%-ǵa ósti», - deıdi baspasóz qyzmetindegiler.
AHAT organdary usynǵan málimetke súıensek, bıylǵy jyldyń bes aıynda 155,4 myń bala dúnıege keldi, bul 2016 jyldyń qańtar-mamyrymen salystyrǵanda 6,2% az.
«2017 jylǵy qańtar-mamyrda respýblıka halqynyń tabıǵı ósimi 2016 jyldyń qańtar-mamyrymen salystyrǵanda 9,9 myń adamǵa nemese 9,1%-ǵa kemip, 99,7 myń adamdy qurady. Tabıǵı ósimniń jalpy koeffısıenti 1000 adamǵa shaqqanda 13,37 adamdy qurady», - dep jazylǵan habarlamada.
Osy jyldyń qańtar-mamyrynda 55,7 myń adam qaıtys boldy, bul ótken jyldyń qańtar-mamyrymen salystyrǵanda 0,7%-ǵa az. О́lim-jitimniń jalpy koeffısıenti 1000 adamǵa shaqqanda 7,46 adamdy qurady.
Osy ýaqyt ishinde elimizde 1 jasqa deıingi 1 344 náreste shetinegen. О́tken jylmen salystyrǵanda bul kórsetkish 16,8%-ǵa azaıdy.
Kóshi-qon qyzmeti organdarynyń málimetinshe, bıylǵy jyldyń qańtar-mamyrynda elimizge turǵylyqty turýǵa kelgender ótken jyldyń sáıkes kezeńimen salystyrǵanda 36,3%-ǵa kóbeıip, 7 204 adamdy qurady. Elimizden ketken kóship-qonýshylardyń tirkelý sany 4,0%-ǵa kóbeıip, 10 975 adamdy qurady.
