Jıynnyń VI otyrysynda «Astana EKSPO-2017» ulttyq kompanııasy basqarma tóraǵasynyń orynbasary Erbol Shormanov sóz sóıledi. Ol alqaly basqosýda eki kúndik konferensııanyń baǵdarlamasy qarjylandyrý, ınvestısııa, ınnovasııalyq «jasyl tehnologııany» damytý, balamaly qýat kózderin zertteý, eńbek naryǵy men azamattardy zamanaýı mamandyqtarǵa oqytý taqyryptaryn qamtıtynyn jetkizdi. Sondaı-aq, EKSPO aýmaǵynda ornalasqan úzdik tájirıbeler pavılonyndaǵy erekshe jobalar tolyǵyraq tanystyrylatynyn aıtty.
Spıkerler qataryndaǵy Ulttyq ekonomıka, Investısııalar jáne damý mınıstrlikteriniń jáne Oksford ýnıversıtetiniń ókilderi «jasyl energetıkany» damytý joldary týraly pikir almasty. Baǵdarlama sheńberinde ózge de sheteldik sarapshylar men kásipkerler, ekologııalyq taza qýat kózderin jańǵyrtý salasyn ınvestısııalaý taqyrybyn talqylady.
29 maýsymda bastalǵan forým 5 qyrkúıekke deıin jalǵasady.
