Onyń aıtýynsha, búgingi tańda Qazaqstan IýNESKO-nyń «Álem jady» halyqaralyq tizilimine tórt derekti mura usynyp otyr. Olardyń qatarynda Qoja Ahmet Iаssaýıge, «Nevada – Semeı» halyqaralyq antııadrolyq qozǵalysyna qatysty materıaldar men Aral teńizine arnalǵan derekti mura, sondaı-aq ótken jyly tizimge engizilgen «Handar shejiresi» bar.
Endi qazir Qazaqstan halyqaralyq tizilimge jańa nomınasııalar joldady. Olardyń arasynda Abaı Qunanbaevtyń shyǵarmalarymen baılanysty derekti mura, sondaı-aq «Qyz Jibek» atty alǵashqy qazaq operasy boıynsha materıaldar bar.
Sonymen qatar Qazaqstan IýNESKO-nyń Ortalyq Azııa men Azııa-Tynyq muhıty óńiri elderine analǵan óńirlik tizilimine de qatysyp jatyr. О́ńirlik tizimge eki qujat – Esik qorǵanynan tabylǵan Esik tostaǵanyndaǵy rýna jazýlary men Máshhúr Júsip shyǵarmalaryna baılanysty qujattar jiberildi.
Prezıdent «Tarıhı-mádenı mura obektilerin qorǵaý týraly» zańǵa qol qoıdy
Sondaı-aq 2025 jyly Ulttyq komıtet alǵash ret «Álem jady» derekti murasynyń ulttyq tizimin jasap, bekitti.
«Búginde oǵan 79 nysan kiredi. Aldaǵy ýaqytta tizimdi 500-ge deıin keńeıtý josparda bar, óıtkeni Qazaqstanda osy tizimde bolýǵa laıyqty 6 myńǵa jýyq derekti mura nysany bar», dedi Kúmis Seıitova.
Onyń aıtýynsha, aldaǵy ýaqytta IýNESKO-ǵa jańa nomınasııalar osy Ulttyq tizimnen alynyp usynylady. Bul rette, uıymnyń qaǵıdalaryna sáıkes árbir el halyqaralyq jáne óńirlik tizilimderge engizý úshin eki jylda bir ret bir nysannan ǵana ótinish bere alady.
О́ńirlik tizimge ótinimderdi qaraý nátıjeleri 2026 jyldyń birinshi jartyjyldyǵynda belgili bolady, al halyqaralyq tizilimge ótinimder kelesi jyly qaralady.
