Jastar ındýstrııalandyrý baǵytyn qoldaıdy

Indýstrııalandyrý – jańa Qa­zaqstannyń ekonomıkalyq da­mý­yndaǵy negizgi faktor deýge bolady. Údemeli ındýstrııalyq-ın­novasııalyq damý baǵdar­la­ma­synyń bastamashysy el Prezıdenti Nursultan Nazarbaev ony jańarýdyń zor múmkindigi dep atady. Elimiz kóleminde údemeli ındýstrııalandyrý baǵdarlamasy boıynsha qazirdiń ózinde 300 joba júzege asyryldy, jyl sońy­na deıin taǵy 129 jobany iske qosý josparlanǵan. Myńdaǵan jańa jumys oryndary ashyldy. Sarapshylar ındýstrııalandyrý strategııasy, ásirese, memleket turǵyndarynyń úshten birin quraıtyn jas qazaqstandyqtarǵa aıryqsha yqpal etti deıdi. Keshe Jańa Jambyl fosfor zaýytynda jastardyń ındýs­trııa­­lyq forýmy ótti. Mem­le­kettiń jańa ındýstrııalyq damý baǵytyna qoldaý kórsetý úshin «Nur Otan» partııasy qolǵa alǵan forýmǵa 300-ge jýyq jas býyn ókilderi jınaldy. Olardyń qatarynda ınjenerler, hımıkter, tehnologtar, laboranttar bar. Bul kásiporyn údemeli ın­dýs­trııalyq-ınnovasııalyq damý baǵdarlamasyna enetin negizgi ny­sandardyń biri. Prezı­denti­miz­diń damý baǵdarlamasynyń arqasynda «Qazfosfatta» 5 birdeı ınnovasııalyq joba júzege asyrylyp jatyr. Sonyń ishinde kúkirt qyshqyly seh qurylysyn, baıytý fabrıkasyn, jańa fosfor óndirisin erekshe atap ótýge bolady. Osylaı ónim túrleriniń kóbeıip, ótimdiliginiń artýy birinshi kezekte jastardyń jańa ju­myspen qamtylýyna jol ashatyny sózsiz. «Nur Otan» HDP Tóraǵa­sy­nyń birinshi orynbasary Nurlan Nyǵ­matýlın «Elbasymyz, «Nur Otan» partııasynyń Tóraǵasy Nursultan Nazarbaevtyń tikeleı tapsyrmasy boıynsha qabyl­dan­ǵan ındýs­trııa­lyq baǵdarlamasy qazirgi ýaqytta jastardyń erekshe nazarynda. Sebebi, osy baǵ­darlamanyń arqa­syn­da jasta­ry­myz jańa maman­dyq­tardy ıgerip qana qoımaı, sonymen birge, ın­no­vasııalyq kásiporyndarda jańa tehnologııalarmen jumys is­teýge múmkindik alyp otyr», dep atap ótti. – Prezıdentimizdiń jańa baǵ­darlamasy bizdiń kásiporyn úshin úlken múmkindikterge jol ashty. Atap aıtar bolsaq, biz óndiristi jańǵyrtý úshin ınvestısııa al­dyq, endi ónimderimizdiń sapasyn burynǵydan da jaqsartý maqsa­tyn kózdep otyrmyz. Bizdiń zaýy­tymyz óńirdegi eń iri kásip­oryn­nyń biri bolǵandyqtan, onyń paı­dasyn barlyq Jambyl obly­sy turǵyndary sezinip otyr deýge bolady, – dedi «Kazfosfat» JShS Jańa Jambyl fosfor zaýytynyń dırektory Muqysh Eskendirov. Arman Qaraǵalıev – eńbek jo­lyn osy zaýytta bastaǵan jas mamannyń biri. Ákesi de, ápkesi de osy kásiporynda eńbek etken. О́zi memleket tarapynan jasalyp otyrǵan múmkindikti qalt jibermeı, árqashan biliktiligin art­ty­ryp, tájirıbesin jetildirýmen ke­ledi. Sonyń nátıjesinde bes jyl ishinde qatardaǵy ınjenerden bastyqtyń orynbasary qyz­me­tine deıin joǵarylady. Qazir óz ujymynda bilimdi, isker, eń­bek­qor maman retinde zor bedelge ıe. Onyń aıtýynsha, Prezı­dent­tiń jańa baǵdarlamasy jas­tar­dyń ómirden óz ornyn tabýyna, bolashaqqa degen senimderin art­tyrýǵa, laıyqty mamandyq ıelenip, oıdaǵydaı jumysqa orna­la­sýy­na keń jol ashqan. Eńbekaqy joǵary ári turaqty túrde óz ýaqytynda tólenedi. Osyndaı qamqorlyqqa bó­len­gen forýmǵa qatysýshylar Pre­zı­denttiń ındýstrııalyq-ınnova­sııa­lyq damý baǵdarlamasyna degen rızashylyqtary men qol­daý­laryn bildirdi jáne baǵdar­la­ma­nyń tabysty júzege asyrylýy úshin bar kúsh-jigerlerin jum­saıtyndyqtaryn aıtty. Sondaı-aq búgin kásip­oryn­nyń 40 jumysshysy «Nur Otan» partııasynyń qataryna kirdi. Partııa bıletterin olarǵa Nurlan Nyǵmatýlın tabys etti. «Egemen-aqparat». Jambyl oblysy.