2011 jylǵy 27 tamyz, Astana, Úkimet Úıi
«Qazaqstan Respýblıkasynda áskerı mindettiler men áskerge shaqyrylýshylardy áskerı esepke alýdy júrgizý tártibi týraly erejeni bekitý týraly» Qazaqstan Respýblıkasy Úkimetiniń 2006 jylǵy
5 mamyrdaǵy № 371 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasynda áskerı mindettiler men áskerge shaqyrylýshylardy áskerı esepke alýdy júrgizý tártibi týraly erejeni bekitý týraly» Qazaqstan Respýblıkasy Úkimetiniń 2006 jylǵy 5 mamyrdaǵy № 371 qaýlysyna (Qazaqstan Respýblıkasynyń PÚAJ-y, 2006 j., № 17, 157-qujat) mynadaı ózgerister engizilsin:
kórsetilgen qaýlymen bekitilgen Qazaqstan Respýblıkasynda áskerı mindettiler men áskerge shaqyrylýshylardy áskerı esepke alýdy júrgizý tártibi týraly erejede:
43-tarmaqtyń 9) tarmaqshasy mynadaı redaksııada jazylsyn:
«9) Qazaqstan Respýblıkasy prokýratýra organdarynyń, Qazaqstan Respýblıkasy Ishki ister mınıstrliginiń, Qazaqstan Respýblıkasy Tótenshe jaǵdaılar mınıstrligi órtke qarsy qyzmetiniń, Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polısııasy) jáne Qazaqstan Respýblıkasy Qarjy mınıstrligi Kedendik baqylaý komıtetiniń (budan ári – quqyq qorǵaý organdary) arnaıy esebine alynǵan.»;
55-tarmaq mynadaı redaksııada jazylsyn:
«55. Áskerge shaqyrylýshylardy áskerı esepten shyǵarý jáne olardy quqyq qorǵaý organdarynyń arnaıy esebine alý osy memlekettik organdardyń buıryqtarynan alynǵan kóshirme-jazba negizinde, al Qazaqstan Respýblıkasy Ishki ister mınıstrligi, Qazaqstan Respýblıkasy Tótenshe jaǵdaılar mınıstrligi jáne Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polısııasy) (budan ári – IIM, TJM jáne ESJKA) arnaıy oqý oryndarynyń kýrsanttary men tyńdaýshylaryn – oqý oryndarynyń kadr organdarynyń buıryqtarynan alynǵan úzinde negizinde júrgiziledi.
Áskerge shaqyrylýshynyń esep kartasyna jáne eseptik-alfavıttik kitapqa belgilengen quqyq qorǵaý organynyń buıryǵynyń kúni men nómirin kórsete otyryp, áskerge shaqyrylýshyny áskerı esepten shyǵarý týraly belgi qoıylady. Jeke is muraǵatqa tapsyrylady jáne olar 27 jasqa jetkenge deıin saqtalady.
Esepke alý-alfavıttik kitapqa jeke istiń saqtalatyn orny týraly belgi qoıylady.»;
7-bólimniń taqyryby mynadaı redaksııada jazylsyn:
«7. Quqyq qorǵaý organdarynda qyzmet ótkeretin azamattardy áskerı esepke alý tártibi jáne erekshelikteri»;
82-tarmaq mynadaı redaksııada jazylsyn:
«82. Quqyq qorǵaý organdarynda qyzmet ótkeretin áskerı mindettilerdi, sondaı-aq IIM, TJM men ESJKA oqý oryndarynyń kýrsanttary men tyńdaýshylaryn esepke alý osy memlekettik organdardyń birinshi basshylary men osy Ereje belgileıtin tártippen júzege asyrylady.»;
83-tarmaqtyń birinshi bóligi mynadaı redaksııada jazylsyn:
«83. JÁBO-da (aýdannyń, qalanyń) quqyq qorǵaý organdarynyń qyzmetkerlerin, sondaı-aq IIM, TJM men ESJKA arnaıy oqý oryndarynyń kýrsanttary men tyńdaýshylaryn áskerı esepten shyǵarý eki danada ataýly tizimderdi, áskerı bıletterdi jáne/nemese tirkeý týraly kýálikterdi qosa bere otyryp, azamattardyń turǵylyqty jeri boıynsha JÁBO-ǵa (aýdannyń, qalanyń) jiberiletin kórsetilgen organdardyń qoldaýhaty boıynsha júrgiziledi.»;
84, 85 jáne 86-tarmaqtar mynadaı redaksııada jazylsyn:
«84. Quqyq qorǵaý organdarynyń qyzmetinen qyzmetkerlerdi bosatý kezinde kadr organdary olarǵa Erejege 27-qosymshaǵa sáıkes nusqama beredi jáne olardy jeti kún merzimde áskerı esepke turý úshin turǵylyqty jeri boıynsha JÁBO-ǵa (aýdannyń, qalanyń) kelýge mindetteıdi, olardyń shyǵarylǵany týraly JÁBO-ny (aýdannyń, qalanyń) jazbasha habardar etedi.
85. Quqyq qorǵaý organdarynan bosatylǵan qyzmetkerler, sondaı-aq oqýdan shyǵarylǵan jáne/nemese kelisim-shartty buzǵan, biraq 27 jasqa tolmaǵan jáne shaqyrý boıynsha belgilengen áskerı qyzmet merzimin ótkermegen IIM, TJM men ESJKA arnaıy oqý oryndarynyń kýrsanttary men tyńdaýshylary turǵylyqty jeri boıynsha áskerge shaqyrylýshylardyń áskerı esebine qabyldanady.
86. Tıisti quqyq qorǵaý organdarynyń basshylary jyl saıyn 1 aqpanda (aǵymdaǵy jylǵy 1 qańtardaǵy jaǵdaı boıynsha) JÁBO-ǵa (aýdannyń, qalanyń) salystyrý úshin Qazaqstan Respýblıkasy Qorǵanys mınıstrligi belgilegen nysan boıynsha kórsetilgen organdarda qyzmet ótkerip jatqan áskerı mindettiler men áskerge shaqyrylýshylardyń sany týraly málimetterdi usynady.
Quqyq qorǵaý organdarynda qyzmet ótkerip jatqan azamattardyń sany týraly málimetter JÁBO-da (aýdannyń, qalanyń) olarǵa bóten adamdardyń qol jetkizýin boldyrmaıtyn mór qoıylǵan jeke kartotekalarda saqtalady. Kórsetilgen qujattarmen jumys isteýge tek JÁBO (aýdannyń, qalanyń) bastyǵynyń buıryǵymen aıqyndalatyn adamdarǵa ǵana ruqsat etiledi.».
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
