2011 jylǵy 1 qyrkúıek, Astana, Úkimet Úıi
Qazaqstan Respýblıkasy Úkimetiniń keıbir sheshimderine ózgerister men tolyqtyrý engizý týraly
Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrý bekitilsin.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 1 qyrkúıektegi №1002 qaýlysymen bekitilgen
Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrý
1. «Orman qorynyń memlekettik esebin júrgizý erejesin bekitý týraly» Qazaqstan Respýblıkasy Úkimetiniń 2003 jylǵy 26 qarashadaǵy №1182 qaýlysynda (Qazaqstan Respýblıkasynyń PÚAJ-y, 2003 j., №44, 482-qujat): Kórsetilgen qaýlymen bekitilgen Orman qorynyń memlekettik esebin júrgizý erejesinde: 16-tarmaq mynadaı redaksııada jazylsyn: «16. Esep materıaldarynda dálsizdikter baıqalǵan nemese olar tolyq kólemde berilmegen jaǵdaılarda olar pysyqtaýǵa qaıtarylady.». 2. «Memlekettik orman qory ýchaskelerinde ósip turǵan súrekti bosatý erejesin bekitý týraly» Qazaqstan Respýblıkasy Úkimetiniń 2003 jylǵy 22 jeltoqsandaǵy №1287 qaýlysynda (Qazaqstan Respýblıkasynyń PÚAJ-y, 2003 j., №47, 532-qujat): Kórsetilgen qaýlymen bekitilgen Memlekettik orman qory ýchaskelerinde ósip turǵan súrekti bosatý erejesinde: 12-tarmaq mynadaı redaksııada jazylsyn: «12. О́sip turǵan kúıinde bosatylatyn súrek úshin tólemaqy somasyn esepteýdiń jáne tóleýdiń tártibi «Salyq jáne bıýdjetke tólenetin basqa da mindetti tólemder týraly (Salyq kodeksi)» Qazaqstan Respýblıkasynyń 2008 jylǵy 10 jeltoqsandaǵy Kodeksiniń 507-babyna sáıkes aıqyndalady.»; 18-tarmaq mynadaı mazmundaǵy ekinshi abzaspen tolyqtyrylsyn: «Aǵash kesý bıleti orman paıdalanýshyǵa onda orman ıelenýshimen kelisilgen kespeaǵashtar daıyndaýǵa tehnologııalyq kartalar bolǵan jaǵdaıda ýákiletti organ súrekti daıyndaý kólemin bekitkennen keıin 3 jumys kúni ishinde beriledi»; 23-tarmaqtyń birinshi bóligi mynadaı redaksııada jazylsyn: «23. Kesý bastalǵan jáne belgilengen merzimde aıaqtalmaǵan aǵash kesetin jerler bolǵan jaǵdaıda, sondaı-aq daıyndalǵan, biraq merziminde áketilmegen súrek ormanda qaldyrylǵan jaǵdaıda orman paıdalanýshy osy jumystardy júrgizýdi 5 aıdan aspaıtyn merzimge keıinge qaldyrady.»; 24-tarmaqtyń besinshi bóligi mynadaı redaksııada jazylsyn: «Memlekettik orman ıelenýshiler ormandy kútip-baptaý maqsatynda aǵash kesý jáne sanıtarlyq maqsatta aǵash kesý tártibimen daıyndaıtyn jáne memlekettik orman ıelenýshi franko-kespeaǵash shartymen satatyn súrekti tasyp áketýge tutynýshylarǵa dál osy tártippen keıinge qaldyrý ýaqyty beriledi.». 3. «Memlekettik orman qory ýchaskelerin ǵylymı-zertteý maqsattary úshin paıdalaný erejesin bekitý týraly» Qazaqstan Respýblıkasy Úkimetiniń 2003 jylǵy 25 jeltoqsandaǵy №1317 qaýlysynda (Qazaqstan Respýblıkasynyń PÚAJ-y, 2003 j., 547-qujat); kórsetilgen qaýlymen bekitilgen Memlekettik orman qory ýchaskelerin ǵylymı-zertteý maqsattary úshin paıdalaný erejesinde: 8-tarmaq mynadaı redaksııada jazylsyn: «8. Memlekettik orman qorynyń ýchaskelerin ǵylymı-zertteý maqsattary úshin paıdalaný Qazaqstan Respýblıkasy Orman kodeksiniń 39 jáne 40-baptarynda aıqyndalǵan negizderde toqtatyla turady, shekteledi nemese toqtatylady, orman paıdalaný quqyǵyn toqtatý tártibi 41-babyna sáıkes júzege asyrylady.». 4. «Memlekettik orman qory ýchaskelerindegi orman resýrstaryn uzaq merzimdi orman paıdalanýǵa berý jóninde tenderler ótkizý erejesin bekitý týraly» Qazaqstan Respýblıkasy Úkimetiniń 2004 jylǵy 13 qańtardaǵy №32 qaýlysynda (Qazaqstan Respýblıkasynyń PÚAJ-y, 2004 j., №1, 17-qujat): kórsetilgen qaýlymen bekitilgen Memlekettik orman qory ýchaskelerindegi orman resýrstaryn uzaq merzimdi orman paıdalanýǵa berý jóninde tenderler ótkizý erejesinde: 14-tarmaqtyń 4) tarmaqshasy mynadaı redaksııada jazylsyn: «4) úsh jyl ishinde iske asyrylatyn, osy jospardy qarjylandyrý kózderi men kólemderi kórsetilgen súrekti tolyq óńdeýdi jáne plantasııada ósirý úshin tuqymbaq uıymdastyrý boıynsha keshendi damý josparyn qamtıdy.»; 27-tarmaqtyń birinshi bóligi mynadaı redaksııada jazylsyn: «27. Tenderdi uıymdastyrýshy tender komıssııasynyń hattamasyna qol qoıylǵannan keıin tender jeńimpazyna (jeńimpazdaryna) habarlama jiberedi jáne hattamaǵa qol qoıylǵan kúninen bastap on kún merzim ishinde onymen osy Erejege 2-qosymshaǵa sáıkes memlekettik orman qory ýchaskelerinde uzaq merzimdi orman paıdalaný shartyn (budan ári – shart) jasasady.». 5. «Memlekettik orman kadastry men ormandardyń memlekettik monıtorıngin júrgizý erejelerin bekitý týraly» Qazaqstan Respýblıkasy Úkimetiniń 2004 jylǵy 17 aqpandaǵy №188 qaýlysynda (Qazaqstan Respýblıkasynyń PÚAJ-y, 2004 j., №8, 106-qujat): kórsetilgen qaýlymen bekitilgen Memlekettik orman kadastryn júrgizý erejesinde: 4-tarmaq mynadaı redaksııada jazylsyn: «4. Jekeshe orman ıelenýshiler ýákiletti organǵa memlekettik orman kadastryn júrgizý úshin qajet materıaldardy (túsindirme jazba qosa tirkelgen statıstıka salasyndaǵy ýákiletti organ bekitken №1 nysan boıynsha «Orman qorynyń memlekettik esebi») ýákiletti organ bekitken tártipke sáıkes beredi.». 6. «Orman sharýashylyǵy, erekshe qorǵalatyn tabıǵı aýmaqtar salalaryndaǵy memlekettik mekemelerdiń taýarlar (jumystar, qyzmetter) ótkizý jóninde aqyly qyzmet túrlerin kórsetý jáne olardyń odan alatyn aqsha qarajatyn jumsaý erejesin bekitý týraly» Qazaqstan Respýblıkasy Úkimetiniń 2009 jylǵy 27 sáýirdegi №586 qaýlysynda (Qazaqstan Respýblıkasynyń PÚAJ-y, 2009 j., №20, 184-qujat): kórsetilgen qaýlymen bekitilgen Orman sharýashylyǵy, erekshe qorǵalatyn tabıǵı aýmaqtar salalaryndaǵy memlekettik mekemelerdiń taýarlar (jumystar, qyzmetter) ótkizý jóninde aqyly qyzmet túrlerin kórsetý jáne olardyń odan alatyn aqsha qarajatyn jumsaý erejesinde: 3-tarmaqtyń 2) tarmaqshasy mynadaı redaksııada jazylsyn: «2) mynalardan: aralyq maqsatta paıdalaný úshin aǵash kesýden (ormandy kútip-baptaý maqsatynda aǵash kesý, iriktep sanıtarlyq maqsatta aǵash kesý jáne qundylyǵy tómen orman ekpelerin, sondaı-aq qorǵanyshtyq, sý saqtaý jáne basqa qasıetterin joǵaltqan ekpelerdi qaıta jańǵyrtýǵa baılanysty aǵash kesý, jas shybyqtardy jekelep kesý) jáne ózge de maqsatta paıdalaný úshin aǵash kesýden (jappaı sanıtarlyq maqsatta aǵash kesý, sý toraptarynyń, qubyrlardyń, joldardyń qurylysyna baılanysty, orman soqpaqtaryn tartý, órtke qarsy jyralar jasaý kezinde orman alańdaryn tazartý; ótimdi úıindilerdi jınaý; ózge de maqsattar úshin aǵash kesý, onyń ishinde halyqty otynmen qamtamasyz etý úshin aǵash kesý); janama orman paıdalanýdan (shóp shabý, mal jaıý, maral sharýashylyǵy, ań sharýashylyǵy, ara uıalary men omarta ornalastyrý, baý-baqsha sharýashylyǵy jáne ózge de aýyl sharýashylyǵy daqyldaryn ósirý, dárilik shópter men tehnıkalyq shıkizattar, jabaıy ósetin jemister, jańǵaqtar, sańyraýqulaqtar, jıdekter men basqa da taǵamdyq ónimder, múk, orman jamylǵysy men túsken japyraqtar, qamys daıyndaý men jınaý) taýarlar ótkizý.»; 5-tarmaqtyń 2) tarmaqshasynyń ekinshi abzasy mynadaı redaksııada jazylsyn; «kádesyı ónimin óndirý».
