Baıqaýǵa elimizdiń ár óńirinen usynylǵan 600 astam shyǵarmashylyq jumys qoıyldy. Skaýt qozǵalysynyń uıymdastyrýymen ótken baıqaýda qatysýshylar qazaqstandyqtardy óziniń týǵan ólkesimen tanystyrýy kerek bolatyn. Osy oraıda Artem «Meniń týǵan ólkem - Prıozernoe» taqyrybymen óziniń shyǵarmashylyq eńbegin usyndy.
«Artem baıqaýǵa ádeıilep daıyndalǵan joq. Ol sýretke túsirýdi bala kezinen meńgergen. Sondyqtan, baıqaýǵa jiberetin sýretterdi tańdaýda qıyndyq bolǵan joq», - deıdi anasy Tatıana Mıhaıleva.
Al, Artemniń ózi baıqaýda jeńimpaz atanýdy oılamaǵanyn aıtýda.
«Men 600 adam qatysqan baıqaýda top jaramyn dep múldem oılaǵan joqpyn. Degenmen, jaǵymdy jańalyqty estigende qýanyshym qoınyma syımady. Maǵan sýretke túsirýdi úıretken anam. Sondyqtan oǵan alǵysym sheksiz», - dep óziniń qýanyshymen bólisti Artem Mıhaılev.
