Tumanbaı MOLDAǴALIEV

Adamnyń ómirge kelýi tabıǵı zańdylyq bolsa, ómirden ótýi de sondaı zańdylyq. Qazaq rýhanııaty orny tolmas aýyr qazaǵa ushyrady. Qazaq poezııasynyń shoqtyǵy bıik tulǵasy, aqıyq aqynynan aıyryldy. Egemen elimizdiń alǵashqy ánurany avtor­lary­nyń biri, Qazaqstannyń halyq jazýshysy, Búkil túrki dúnıesi jazý­shylarynyń Fızýlı atyndaǵy syılyǵy­nyń laýreaty, Memlekettik syılyqtyń ıegeri, esimi árbir qazaqqa keńinen tanys aqyn Tumanbaı Moldaǵalıev 76 jasynda ómirden ozdy. Qazaq poezııasyna 50-jyldardyń ortasynda názik syrly, oıly da otty jyrlarymen kelgen aqynnyń elýden astam jyr jınaqtary jaryq kórdi. Shetel klassıkteriniń shyǵar­­­malaryn qa­zaq tiline aýdardy. Elimizge áıgili kompozıtorlar jazǵan já­ne halyq súıip tyń­daı­tyn 500-den astam ánder mátininiń avtory boldy. Tumanbaı Mol­daǵalıev balalar ádebıetine de súbeli úles qosty. О́miriniń so­ńy­na deıin qazaq balalarynyń súıikti jýrnaly «Baldyrǵan­nyń» bas re­daktory qyzmetin atqardy. Qazaq poezııa­sy­na ól­sheýsiz úles qosqan qarymdy qalamger, kór­nekti aqyn Tumanbaı Moldaǵalıevtiń jarqyn beınesi oqyrman­darynyń júreginde máńgi saqtalady. Qazaqstan Respýblıkasynyń Baılanys jáne aqparat mınıstrligi.