Mektep baǵdarlamasynyń 5 synyptarynan bastap engizilgeli otyrǵan jańa pándi oqýshylar qosymsha bilim, ıaǵnı fakýltatıv sabaq retinde ıgermek. Bul jóninde oblys ákiminiń qatysýymen ótken jıynda bilim basqarmasynyń basshysy Bátıma Daýmova málimdedi, dep habarlaıdy Baq.kz agenttigi.
«Bul pán byltyrǵy oqý jylynda Qostanaı qalasyndaǵy № 1 mektep gıgıenasynda synaq retinde oqytyldy. Oqytý úrdisi barysynda oqýshylardyń úlken qyzyǵýshylyǵyna ıe boldy. Sondyqtan bıyldan bastap bul pándi barlyq mektepte oqytý týraly sheshim qabyldadyq», – deıdi Bátıma Daýmova.
«О́lektaný» páni arqyly oqýshylar Qostanaı oblysynyń tarıhymen, óńirdiń órkendeýine úles qosqan tulǵalar men zııaly qaýym ókilderimen jan-jaqty tanysady.
«Osy pándi oqytý kezinde joǵaryda aıtylǵan tulǵalardyń ómirine ǵana toqtalmaı, mektepterdiń tanymal shákirtterimen júzdesýlerdi jıi ótkizý kerek. Onyń syrtynda mektep pen túlekterdiń arasyndaǵy jaqsy qarym-qatynasty da baıandap otyrý kerek. Mysaly, QR Pralamenti Senatynyń depýtaty Serik Bekturǵanov ózi bilim alǵan № 115 orta mekteppen jaqsy qarym-qatynas ornatqan. Mektepte úzdik oqıtyn shákirtterge óziniń stıpendııasyn taǵaıyndap otyr», – deıdi oblys ákimi Arhımed Muhambetov.
