Ol qaryndash ózegi men magnıtterden seısmografty qurastyrdy, jáne de bir staqan sý, tuz jáne lazerdiń kómegimen dıffýzııa jyldamdyǵyn anyqtady. Fızıka páni boıynsha bedeldi halyqaralyq olımpıada (IphO) Indonezııanyń Djokıakarta qalasynda ótti. Onda álemniń 88 elinen 400-den astam adam qatysqan.
Olımpıada eki kezeńnen turdy. Birinshi, tájirıbelik kezeńde, bir staqan sý, tuz jáne lazerdiń kómegimen dıffýzııa jyldamdyǵyn anyqtaý kerek boldy, jáne de qaryndash ózegi men magnıtterden seısmografty qurastyrý usynyldy.
- Ekinshi kezeń – teorııalyq kezeń boldy,-deıdi Temirlan.- Onda úsh tapsyrmany sheshý kerek edi. Birinshi tapsyrma yqpaldasýǵa qatysty, ekinshisi janartaýlar, al úshinshi tapsyrma – qara qurdym jaıynda. Tapsyrmalar qıyn boldy, biraq men sheshimin taptym.
О́z biliminiń arqasynda Temirlan Ońtústik Koreıa ýnıversıtetteriniń birine bilim grantyn jeńip alyp, onda ınjener mamandyǵy boıynsha oqýǵa tústi.
- Birinshi jyl tanysý jyly bolady,-dep túsindirdi Temirlan. – Ary qaraı mamandyqty tańdaý qajet. Qalaı bolǵan jaǵdaıda da mamandyǵym fızıkamen baılanysty bolady. Bedeldi olımpıadadaǵy jeńis Temirlanǵa qalaǵan sheteldik JOO-ǵa túsýge múmkindik bergenimen, ol oqý ornyn tańdap qoıǵanyn jáne Ońtústik Koreıaǵa attanýǵa daıyndalyp jatqandyǵyn aıtty.
