«27 shildedegi jaǵdaıǵa sáıkes 548,2 mln teńge tústi. Onyń ishinde aýdarymdardyń úlesi 38, al jarnalardyń úlesi 62 paıyzdy quraıdy. Aıta keterligi, 48 paıyzy osy jyldyń ekinshi jartyjyldyǵyndaǵy jeke kásipkerlerdiń avanstyq tólemderi bolyp esepteledi», dedi ol.
Onyń aıtýynsha, aýdarymdar men jarnalardy tóleý jaǵynan kósh basynda elimizdiń 4 óńiri tur. Olar: Shyǵys Qazaqstan, Qaraǵandy, Qostanaı jáne Almaty oblystary. Atalǵan 4 óńirdiń aýdarymdary qorǵa túsken qarjynyń 49 paıyzyn quraıdy. 27 shildedegi jaǵdaı boıynsha qarajatty 235 myń jeke tulǵa aýdarǵan.
«Jedel málimetterge sáıkes, shildedegi jalpy túsimderdiń kólemi 800 mln teńgeden asyp jyǵylady. Aýdarymdar men tólemder tólegen jeke tulǵalardyń sany 384 myń adamnan asty. Bizdiń boljamǵa qatysty aıtar bolsam, tamyz aıynda qorǵa túsetin túsimderdiń kólemi artýy tıis. Sebebi shilde aıynyń tólemderin aýdarý merzimi tamyz aıynda aıaqtalady. Sondyqtan biz tamyzda shamamen 4,5 mlrd teńge túsedi dep otyrmyz. Osy jylǵy bazalyq aýdarym 27 mlrd teńgeni quramaq», dedi Elena Bahmýtova.
