«Kórip otyrǵanymyzdaı, aqparattyq túsindirý jumystary birqatar oblysta aqsap jatyr. Sondyqtan ony jandandyrý qajet. Oblystardyń, Almaty men Astana qalasynyń ákimderine aqparattyq túsindirý jumystaryn, ásirese jumyspen ózin-ózi qamtyǵan turǵyndar arasynda jandandyrýdy tapsyramyn», dedi Baqytjan Saǵyntaev.
Sonymen qatar Úkimet basshysy áleýmettik medısınalyq saqtandyrý salymdaryna jaýapty ortalyq memlekettik organdarǵa Memlekettik kirister komıtetimen birlesip, jumys berýshiler men jeke kásipkerlerdiń aýdarymdar men jarnalardy aýdarýyna kúndelikti monıtorıng júrgizýdi mindettedi.
«Taǵy bir másele bar. Ol tabystary tómen nemese múldem joq, aýdarymdar men jarnalardy aýdara almaıtyn azamattarmen baılanysty... Olar júıeden tysqary qalyp qoıýy múmkin. Osyǵan baılanysty Eńbek jáne halyqty áleýmettik qorǵaý mınıstrligine oblystardyń, Almaty men Astana qalalary ákimderimen birlesip, mundaı tulǵalardy olardyń málimetterin kórsete otyryp sáıkestendirý tetikterin, mindetti áleýmettik medısınalyq saqtandyrý júıesine tartý úshin jumyspen qamtý sharalaryn ázirleý tapsyrylady», dedi Premer-Mınıstr.
