Bylǵary qolǵap sheberiniń aıtýynsha, kóp nárse sheshilip qoıǵan. Shamamen bir aptadan keıin kelesi qarsylasy kim bolatyny belgili bolmaq. Qazir tek jekpe-jek qazan aıynda shet elde ótetini belgili. Janat bul kezdesýge Ulybrıtanııada jattyǵady. Daıyndyq jumystary jekpe-jekke segiz aı qalǵanda bastalady.
- Sizdiń kelesi qarsylasyńyz kim bolatynyn bilmeımin. Biraq kópshilik sizdi bul kezdesýde aýtsaıder bolady deıdi ǵoı ...
- Aýtsaıder dep aıtsa, aıta bersin. Roýshı Ýorrenmen ótken kezdesýdiń aldynda meni tipti amerıkalyq boksshyǵa laıyqty qarsylas emes dep edi. Men sharshy alańǵa shyǵyp, kimniń myqty ekenin dáleldedim. Maǵan kópshiliktiń ne aıtatyny asa mańyzdy emes. Boksta barlyǵyn sharshy alań sheshedi. Myqty bolsań myqtylyǵyńdy rıngte dálelde.
- Bolashaqqa qandaı josparyńyz bar?
- Aldaǵy kezdesý bıylǵa josparlaǵan sońǵy jekpe-jegim bolady. Jalpy bolashaqtaǵy josparym týraly áli oılanǵan joqpyn. Bastysy ár jekpe-jekke sońǵy kezdesý sekildi daıyndalyp shyǵýym kerek. О́ıtkeni, boksta ártúrli jaǵdaı bolýy múmkin. Densaýlyǵym jaqsy bolsa judyryqtasa beremin. Qazir ózimdi jaqsy sezinip júrmin. Biraq aldaǵy bes jylda osylaı joǵary deńgeıde judyryqtasamyn dep aıta almaımyn.
