Bul týraly búgin EKSPO-2017 aıasyndaǵy Gambııa Respýblıkasynyń ulttyq kúnine arnalǵan baspasóz máslıhatynda Gambııa Týrızm mınıstrligi marketıng departamentiniń dırektory Adam Ndjı málim etti.
«Biz qazaqstandyq týrısterdiń Gambııaǵa qoljetimdigi úshin bar jaǵdaıdy jasaǵymyz keledi, qazirgi áýe baǵyttaryn yńǵaıly dep aıta almaımyz. Marketıngtik zertteýler júrgizip, bizdiń biregeı elimizge tıimdi týr usynatyn týrıstik agenttikti bekitýdi josparlap otyrmyz. Munyń barlyǵy jaqyn arada iske asyrylady», dedi Adam Ndjı.
Gambııa Afrıka qurlyǵyndaǵy eń kishkentaı memleketterdiń biri. Soltústiginde, shyǵysynda jáne ońtústiginde Senegalmen shektesedi jáne batysynda Atlant muhıtynyń jaǵalaýy bar. Týrıstik sektor - Gambııanyń eń úlken tabys kózi jáne ekonomıkasynyń qozǵaýshy kúshi.
