Bul joly biz áldeqaıda jaqsy oınadyq. Jigitter sońyna deıin tyrysyp baqty. Jeńiske degen qulshynysymyz da joǵary boldy. О́kinishke oraı, azdaǵan sáttilikter jetispeı qaldy. Búgingi oıynymyzǵa kóńilim tolǵanmen, kelesi kezeńge óte almaǵanymyzǵa ishteı qynjylyp otyrmyn. Jankúıerlerimizge alǵys aıtamyn. Olar bizdi sońǵy sekýndtarǵa deıin qoldady.
- «Astananyń» bas jattyqtyrýshysy «Legııanyń» jaqsy oınaǵanyn erekshe atap ótti. Biraq bir ǵana goldan bólek, kelesi kezeńge ótýge ne kedergi boldy?
- Eń birinshe, dıssıplına jetispedi, ekinshi Jýnıor Kabanangaǵa qarsy oınaý ońaı bolmady. Endi «Legııany» Eýropa lıgasyna túsý úshin úlken synaq kútip tur. Biz mindetti túrde toptyq kezeńge joldama alýymyz kerek. Osyǵan qatty mán beretin bolamyz. Árıne, oǵan deıin Polsha chempıonatynda ótkizetin eki oıynymyz bar.
- «Legııa» búgin úsh márte ǵana dál soqqy jasaı aldy...
- Iá, sáttilik jetispedi. Qaqpany dál kózdegenmen, oıǵa alǵan jospar oryndalmady. «Astana» toǵyz oıynshysymen qorǵanysta oınaǵan sátter de boldy.
- Mundaı mańyzdy oıynda alańǵa tájirıbesi az, jas Sebastıan Shımanskııdi jiberdińiz...
- Ujymda qansha oıynshymyz bolsa, báriniń ónerin ortaǵa salýǵa tyrysamyn. Shımanskıı jas bolǵanmen, talantty oıynshy. Jattyǵýlarda ózin aıamaı, baryn salyp daıyndalyp júredi. Búgingi oıynǵa shyǵýǵa laıyqty ekenine kóz jetkizgen bolatynmyn. Osy qalpynda jalǵastyrar bolsa, bıik belesterdi baǵyndyratyn bolady. Onyń jeńiske degen qulshynysy jalyn atqan kózderinen anyq baıqalyp turady.
- Bul kezeńde negizgi jeńimpaz alǵashqy oıynda-aq anyqtalyp qoıǵan dep aıtýǵa bola ma?
- Olaı aıtpas edim. Búgin bizdiń kelesi kezeńge ótetin múmkindigimiz bolǵan edi. Biraq sáttilik bizdiń jaqta bolmady. Osyǵan qynjylyp otyrmyn.
Aıan ÁBDÝÁLI,
"Egemen Qazaqstan"
