«Alash barysy» anyqtaldy

«Alash barysy» respýblı­ka­­lyq týrnırine Astana qala­sy­­­nan, Aqtóbeden jáne Batys Qa­zaq­­­stan oblysynyń aýdan­da­ry­­­nan 40-tan astam balýan qatysty.

Týrnırge qatysqan sal­ma­ǵ­y 90 keli­den joǵary 15 balýan­nyń je­teýi – jyl saıyn el Pre­zı­­den­ti­­niń júldesi úshin óte­tin «Qa­zaq­stan bary­sy» týr­nıriniń she­shý­shi beldesýi­ne qatysqandar edi. Son­dyq­tan saıys asa tartys­ty ótti. 

Salmaǵy 90 kelige deıin tar­ta­tyn balýandar arasynda jer­gilikti Syrym aýdanynyń jigit­teri des bermedi. Fınaldyq beldesýde Aıbol Orazǵalıev pen Nurym­jan Ǵabbasov kezdesti. Nátı­jesinde, Nurymjan Ǵab­basov 90 kelige deıingi balýandar arasynda jeńimpaz atandy. Kelesi oryndardy Aıbol Oraz­ǵalıev pen Aıbek Ǵabdeshov bó­lis­ti. Al 90 keliden joǵary top­­ta qaratóbelik Darhan Temir­­hanov pen jánibektik Er­na­zar Hamzın fınalǵa shy­ǵyp, boz kilemniń shańyn qaq­ty. Jarystyń bas tóreshisi, ult­tyq dárejedegi tóreshi, Ba­tys Qazaqstan oblysy Qazaq kúre­si federasııasynyń vıse-pre­zı­denti Artýr Sherǵalıev ja­rystyń bas júldesi – 1 mıl­lıon teńgeni E.Hamzınniń qan­jy­ǵasyna baılady. Ekinshi-úshin­­shi oryn qaratóbelik Dar­han Temirhanov pen bórlilik Temir­lan Kólbaevqa buıyrdy.

– «Alash barysy» týrnırinde kási­bı tóreshilik quram jumys jasa­dy. Jarys barysynda daý tý­­dyr­­ǵan tustardyń bárin tóre­shi­ler eldiń qaq aldyna qaǵyl­ǵan LED ekrannan qaıtalap qa­rap otyr­dy. Jalpy, týrnırdiń uıym­­das­­tyrylýy, ásirese sońǵy mýzy­ka­lyq tehnologııalar men jaryq ap­pa­rat­tarynyń paıdalanylýy óte keremet boldy, – deıdi áriptesimiz Baýyrjan Shırmedınuly.

Qazbek QUTTYMURATULY,
«Egemen Qazaqstan» 

Batys Qazaqstan oblysy