Mańǵystaý oblysynda aýyz sý máselesi ózekti. Sondyqtan, bul máseleni sheshýdiń birden bir joly – sý tushytý zaýytyn salý. Sol sebepti, búgin óńirge resmı saparmen «BeltWay Group Limited» kompanııasynyń dırektory Álı Mohamad pen «Astana Qyzmet-KZ» JShS dırektory Bolat Ydyrysbaev, «SafBon Water Service (Holding) Inc.» mekemesiniń bas menedjeri Vang Ksıan keldi. Olar Mańǵystaý oblysynda sý sushytý zaýytyn salýdy kózdeıdi. Sondyqtan, arnaıy joba daıyndap, oblys ákimi Eraly Toǵjanovqa jáne jıynǵa qatysýshylarǵa tanystyrdy, dep habarlady Mańǵystaý oblysy ákiminiń baspasóz qyzmeti.
«BeltWay Group Limited» kompanııasy 1995 jyly Shanhaıda qurylyp, búginde álemdik deńgeıde, túrli sala boıynsha qyzmet kórsetip júrgen «BeltWay Group Limited» kompanııasynyń dırektory Álı Mohamad jobany iske asyryp, eń ozyq tehnologııany paıdalanýǵa daıyn ekenin jetkizdi. Jospar boıynsha zaýyt Quryq aýylynan 22 shaqyrym jerde ornalasady. Qorek kózi retinde gaz-týrbınalyq elektr stansııasy paıdalanylady. Qýattylyǵy kúnine 80 myń kýb metr jáne bolashaqta onyń qýattylyǵy arta túspek. Tushytylǵan sýmen «О́zenMunaıGaz» AQ, Jetibaı, Quryq aýyldary men Aqtaý, Jańaózen qalalaryn qamtamasyz etilmek. Sonymen qatar, bul joba óńirde aýylsharýashylyǵy salasyn damytýǵa tyń serpin bermek.
Jıyn sońynda oblystyq ákimdik pen kompanııa arasynda uzaq merzimdi jáne ózara tıimdi yntymaqtastyq týraly memorandýmǵa qol qoıyldy.
О́ńir basshysy Eraly Toǵjanov jobany daıyndaý jáne júzege asyrý máselelerimen aınalysatyn jumys tobyn qurýdy tapsyrdy, delingen baspasóz habarlamasynda.
Gúlaıym ShYNTEMIRQYZY,
Mańǵystaý oblysy.
Sýretti túsirgen Serik MAIEMEROV.
