О́te aýyr kezdesý boldy, kelesi kezeńge ótý úshin úlken kúsh jumsaldy. Biraq komandanyń minezin osyndaı matchtar arqyly shyńdaýǵa bolady. Bul jolǵy synaqtan «Astana» súrinbeı ótti dep aıtýǵa tolyq negiz bar. Komanda osymen úshinshi ret eýrokýboktarda oınaýǵa múmkindik alyp otyr. Bul oıynshylardyń, bapkerler alqasynyń, basshylyqtyń qajyrly eńbeginiń arqasy. Osy sátti paıdalana otyryp búkil qazaqstandyqtardy elordalyq komandanyń pleı-off kezeńine ótýimen quttyqtaımyn! «Astana» jyraqta oınasa da, jankúıerleriniń ystyq qoldaýyn sezindi.
– Pleı-off týraly áńgimemizdi jalǵastyrsaq, «Astananyń» qarsylasy retinde qaı komandanyń bolǵanyn qalar edińiz?
– Chempıondar lıgasynda ońaı qarsylas bolmaıdy. Búkil komandalar joǵary deńgeıde, óz elderiniń chempıondary. Onyń ústine biz jerebe tartý kezinde úlken komandalarǵa tap keleıin dep turmyz. Biraq «Astana» qandaı komandamen bolsyn oınaýǵa daıyn ekenin dáleldegen bolatyn.
