Batyrdyń keýde músininiń ashylý saltanatyna qatysqan aýdan ákiminiń orynbasary Darhan Jórgekbaev, aýdandyq máslıhattyń hatshysy Seıilbek Ysqaqov, «Qasqaldaq» qoǵamdyq qorynyń tóraǵasy Amangeldi Kerimtaev sekildi azamattar Aıagóz óńirinde babalardy ulyqtaý, ótkenimizdi umytpaý baǵdarynda aýqymdy jumystardyń júrgizilip jatqanyn atap ótip, eskertkishtiń boı kóterýine muryndyq bolǵan dara tulǵanyń urpaqtaryna alǵystaryn aıtty.
«Aqtamberdi babamyz sóz ustaǵan aqyn ǵana emes, aıtýly batyr, qol bastaǵan qolbasy bolǵan. Ol kisiniń basshylyǵymen qazaq jaýyngerleri birneshe márte jońǵarlarǵa kúırete soqqy bergen. Sondyqtan jyraý eskertkishiniń ashylýy jas urpaqty otanshyldyq rýhta tárbıeleýge zor úlesin qosady dep oılaımyz», - deıdi batyrdyń urpaǵy, Abaı aýdanynyń ákimi Tursynǵazy Músápirbekov.
Qalanyń qaq ortasyna batyrdyń óz atyndaǵy kóshege ornatylǵan eskertkishtiń avtory - Nurbol Qalıev, keýde músinniń bıiktigi - tuǵyrymen qosa eseptegende 2,5 metr.
Azamat QASYM,
«Egemen Qazaqstan»
Shyǵys Qazaqstan oblysy,
Aıagóz aýdany
