Festıval – álem halyqtarynyń barlyq bılerin baǵyndyrǵan kemeńger bıshi Mahmýd Esambaevtyń qurmetine arnalǵan. Dástúrli túrde ótkiziletin sharaǵa armıan, ázirbaıjan, daǵystan bı ujymdary atsalysty. Sonymen qatar, qoldaý kórsetýge kelgen kórermender arasynda lezgın, nemis, ýkraın, qazaq, belarýs etnostyq toptar ókilderi boldy.
Kavkaz halqy bıleriniń festıvalinde «Nastroenıe», «Shadval», «Altaır», «Nur» jáne «Jorǵa» bı ansamblderi óz ónerlerin kórsetip, sheshen jáne ıngýsh «Vaınah» etnomádenı birlestiginiń múshesi – Islam Mýzaev, armıan «Ehpaırýtıýn» etnomádenı birlestiginiń múshesi – Armen Saakıan, lezgın «Samýr» etnomádenı birlestiginiń múshesi – Marına Baıramova kórermenderge ár túrli tilde án oryndap, erekshe kóńil kúı syılady.
Sharada tarıhı Otanǵa degen qurmet, ulttyq dástúr men óner, bir shańyraq astyndaǵy ulttar tatýlastyǵy kórinis tapty. Festıval sońynda qatysýshylar arnaıy alǵys hattarmen jáne qundy syılyqtarmen marapattaldy.
Gúlaıym ShYNTEMIRQYZY,
Mańǵystaý oblysy
