«2017 jyldyń 19 tamyzynan bastap árbir senbi kúni Astana turǵyndary men qonaqtary Qazaqstannyń «mys astanasyna» jaıly Bombardier Q400 NextGen laınerimen saıahat jasaı alady. Uzaqtyǵy 55 mınýtty quraıtyn «Astana-Jezqazǵan baǵytynda ushý quny alymdardy qosa alǵanda 13366 teńgeden, al Jezqazǵannan elordaǵa bıletter barlyq alymdardy eseptegende 13662 teńgeden bastalady», - delingen habarlamada.
Taratylǵan habarlamada Jezqazǵannan Astanaǵa kelip, Almaty reısine miný úshin barynsha yńǵaıly jaǵdaı jasalatyndyǵy aıtylǵan. Mundaı bıletterdiń quny barlyq alymdardy eseptegende 20 878 teńgeden, al ońtústik astanadan elorda arqyly Jezqazǵanǵa jetý 20207 teńgeden bastalatyn bolady.
«Biz Qazaqstannyń iri ónerkásiptik qalasyna baratyn elordalyq turǵyndar úshin, sonymen qatar Astana men Almatyǵa saıahattaıtyn jezqazǵandyqtar úshin osy baǵdardyń tıimdi bolaryna senimdimiz», - dedi QAZAQ AIR kompanııasynyń kommersııalyq dırektory Ádel Dáýletbek.
