Bul týraly Astana ákimdigi medıa ortalyǵynyń tilshisine bergen suhbatynda áleýmettik beıimdeý ortalyǵy dırektorynyń orynbasary Dınara Shapına málim etti.
«Ortalyqtyń qyzmetin alýshy azamattarǵa qala kásipkerleri men jekelegen sharýa qojalyqtarynan jumysqa qabyldaý týraly usynys tústi jáne áli usynylyp otyr. Turatyn jeri, ishetin tamaǵy men turaqty jalaqy usynǵannyń ózinde bul azamattar daıyn jumystan bas tartyp otyr», - dedi Dınara Shapına.
Onyń aıtýynsha, ortalyqtyń qyzmetin alýshylaryn jumyspen qamtý maqsatynda qalalyq mekemelermen birlesip turaqty túrde sharalar ótkizip otyrady.
«Ortalyqqa jetkizilisimen elimizdiń zańnamalaryna sáıkes, bastapqy medısınalyq tekserýden bastap 8 túrli qyzmet kórsetiledi. Árqaısymen áńgime júrgizilip, jeke basyn anyqtap, qujattaryn qalypqa keltirip beremiz. Al jumysqa kelgende qulyqsyz. Daıyn jumys istegileri kelmeıdi. Sebebi, bos júrip, erkin ómirge úırenip alǵan», - dedi dırektordyń orynbasary.
