«Eger de kez kelgen ólshem quraldarynyń nátıjeleri adamdar ómirindegi jaǵdaılarǵa áser etse, ol memlekettik metrologııalyq baqylaý aıasynda qaralady. Iаǵnı jol-patrýldik polısııa qyzmetkerleriniń qolyndaǵy árbir jyldamdyq ólshegish quraldary da búgingi tańda mindetti túrdegi salystyryp tekserýden ótedi. Osy rette olardyń sáıkesinshe sertıfıkattary bolýy tıis», - dedi T. Joldybekov.
Onyń sózine qaraǵanda, Qazaqstanda salystyryp tekserý jumystaryn árbir zańdy tulǵalar júrgize alady. Atap aıtqanda, bul baǵyt naryqqa berilgen.
«Mindetti túrde bizge kelip jasaý kerek degen talap joq. Sebebi qazirgi tańda bul sala naryqta. Qazaqstan Respýblıkasynda ólshem birligin qamtamasyz etýdiń tıisti tizilimi bar. Sonda búkil memlekettik metrologııalyq baqylaýda qoldanylatyn ólshem quraldary engizilgen. Eger osy tizilimdegi jyldamdyq ólsheý quraly bolsa, onda ol mindetti salystyryp tekserýge jatady. Atap ótetin jaıt, bundaı jyldamdyq ólshegish quraldarynyń túrleri kóp. Saraptama jasaǵannan keıinnen ǵana naqty osy qural tizilimde bar ekenin naqty aıtýǵa bolady», - dep túsindirdi Qazaqstan metrologııa ınstıtýtynyń ókili.
Osy oraıda ol atalǵan tizilimde joq jyldamdyq ólshegish quraly paıdalanylsa, bul áreket zańsyz bolyp sanalatynyn atap ótti. Sondyqtan bundaı faktiler anyqtalǵan jaǵdaıda, osy baǵytta qajetti túgendeý men tekserý qadamdary kerek bolady.
