«EKSPO bizge qatty unady, jaqsy áser aldyq. Kórmeniń mazmuny óte aýqymdy jáne ondaǵy tanystyrylymdar tamasha. Bul qazaqstandyqtarǵa jáne álemniń túkpir-túkpirinen kelgenderge, onyń ishinde Ortalyq Azııa eliniń azamattaryna halyqaralyq deńgeıdegi is-sharany óz kózimen kórýge múmkindik beretin aıyryqsha shara. Bizdińshe, Qazaqstan pavılony eń ádemisi. Halyqaralyq kórme Qazaqstannyń jetistikteri men tabystaryn kórsetedi», - deıdi Djýlııa.
Qaýlan Qytaıdan kelgen qazaq bolsa, zaıyby Djýlııa Makleın amerıkalyq stýdent. Bul týraly halyqaralyq kórmeniń saıty arnaıy vıdeo jarııalady.
«Men qazaq tilin Amerıkada bir jyl oqydym. Eki muǵalimim bar, biri - Shýchınskiden, ekinshisi - Shymkentten», degen Djýlııa qazaq tilin erkin meńgergenin baıqatty. Al Qaýlan Qytaı pavılonynda ótetin is-sharalarǵa belsene at salysyp júr. Ekeýiniń Kalıfornııadan Astanaǵa kelgenine tup-tura bir aıdan asqan.
