Is-sharaǵa aýdan ákiminiń orynbasary Altyn Eshanqulova, aýdandyq Sport bóliminiń basshysy Jandarbaek Tattev, aýdandyq №1 sport mektebiniń dırektory Baqytjan Jańbyrbaev qatysty.
"Kásibı bokstan dúnıejúzilik boks serııasynda "Astana arlandary" quramynda óner kórsetip, qıyn kezeńde sharshy alańǵa shyǵyp elimizdiń namysyn qorǵap qalǵan, Qazaqstannyń ánuranyn oınatyp, kók týyn jelbireýine tikeleı áser etken Oljas Baınııazov Maqtaral aýdandyq №1 sport mektebiniń túlegi. 5:5 esebinde birinshi orynǵa talasyp turǵan qazaqstandyq Astana arlans pen kýbalyq Cuba Domadoers komandalarynyń taǵdyryn sheshken boksshy qarsylasy Frenka Zaldıvarǵa besinshi buryshty kórsetip jibergeni boks jankúıerleriniń jadynda uzaq saqtalsa kerek" - deıdi aýdandyq №1 sport mektebiniń dırektory Baqytjan Jańbyrbaev.
Astana qalasynda halyqaralyq "EKSPO - 2017" kórmesi aıasynda belbeý kúresten ótken Álem chempıonatynda 82 kg salmaq boıynsha júldeli II oryndy ıelengen Birjan Shaımerden jáne +100 kg salmaq boıynsha III oryndy ıelengen Ilııasqajy Islambekter de elimizdiń abyroıyn asqaqtatyp qazaqstandyqtardyń qoshemetine bólendi.
Mine, osy sportshylardyń mereıin asqaqtatý maqsatynda izgi tilegin arnaǵan aýdan ákimi Ǵ.Ismaılov: "Aldaǵy ýaqytta da Qazaqstannyń atyn búkil álemge pash etip júre berýlerińizge kámil senemin. Sizderge zor densaýlyq, uzaq ómir, otbasylaryńyzǵa amandyq, baq-bereke tileımin" - dedi. Sondaı-aq, aýdan ákimi sportshylar men olardyń jattyqtyrýshylaryn arnaıy alǵys hattarmen marapattap, baǵaly syılyqtardy tabystady.
Aıta keteıik, búgingi tańda Maqtaral aýdanyndaǵy 3 sport mektebi 2,5 myńnan asa sportshylardy daıyndap jatyr.
