«Elimizdiń barlyq alty azamaty búgin Mysyrdan óz eline aman-esen oraldy. Qazir olar óz úılerine týystary men jaqyndaryna bara jatyr», - dep jazdy Ánýar Jaınaqov Feısbýktegi paraqshasynda.
Eske sala ketsek, osyǵan deıin Mysyrda 6 stýdenttiń joǵalyp ketkendigi týraly aqparat jarııalanyp, keıinirek stýdentterdiń Mysyrdyń quqyq qorǵaý organynda bolǵandyǵy anyqtalǵan bolatyn. Osyǵan baılanysty Qazaqstan Mysyrǵa resmı narazylyq notasyn jibergen. 1 tamyzda Mysyrdyń ulttyq qaýipsizdik qyzmeti Qazaqstan elshiligimen habarlasyp, alty azamattyń eline qaıtarylatynyn habarlaǵan. Qazaqstandyq alty azamattyń ol jaqta ne úshin ustalǵany áli belgisiz bolyp otyr.
