Kún tártibindegi negizgi másele – Konstıtýsııalyq reformalar jónindegi komıssııa usynǵan jańa Konstıtýsııa jobasyn talqylaý.
Jıynda jańa Konstıtýsııa jobasynyń negizgi erejeleri, onyń ishinde aýyldyq aımaqtardyń damýyna, agrarlyq sektorǵa, jergilikti ózin-ózi basqarý júıesine jáne áleýmettik saıasatqa yqpaly jan-jaqty saralandy.
Keńeıtilgen otyrysqa Saıası keńes músheleri, bastapqy partııa uıymdarynyń tóraǵalary, partııa belsendileri men kadrlyq rezerv ókilderi qatysty.
Otyrysty ashqan «Aýyl» partııasynyń Qaraǵandy oblysy boıynsha óńirlik fılıalynyń tóraǵasy Rýslan Nıkonovıch baıandama jasap, talqylanyp otyrǵan máseleler «Ádiletti Qazaqstannyń» jańa saıası mádenıeti men quqyqtyq negizderin qamtıtynyn atap ótti.
«Konstıtýsııalyq reforma men Memleket basshysy Qasym-Jomart Kemeluly Toqaevtyń Halyqqa Joldaýlarynda kórsetilgen strategııalyq baǵyttar – bizdiń partııa jumysynyń negizgi baǵdarshamy», dedi Rýslan Nıkonovıch.
Kún tártibine sáıkes otyrys barysynda jańa Konstıtýsııa jobasyn negizgi baǵyttary boıynsha pikirtalastar ótkizildi, spıkerler óz ustanymdaryn tanystyrdy.
Saıası keńes múshesi Sergazy Adekenov partııa qurylymdarynyń negizgi mindetteriniń biri – konstıtýsııalyq jańashyldyqtardyń mán-mańyzyn halyqqa jetkizý jáne azamattar arasynda júrgizilip jatqan reformalardy obektıvti túsindirý ekenin atap ótti.
«Usynylyp otyrǵan jańa Konstıtýsııa jobasy eń aldymen halyq múddesin qorǵaýǵa, bılik tarmaqtary arasyndaǵy tepe-teńdikti saqtaýǵa jáne jergilikti ózin-ózi basqarýdyń rólin kúsheıtýge baǵyttalǵan», dedi ol.
Abaı aýdanynyń máslıhat depýtaty, «Erjanov» sharýa qojalyǵynyń jetekshisi Altaı Abıshevte Konstıtýsııa jobasyn qoldap, onyń aýyldyq jerlerdi damytýǵa, quqyqtyq kepildikterdi nyǵaıtýǵa jáne memlekettik ınstıtýttardyń qoǵam aldyndaǵy jaýapkershiligin arttyrýǵa mańyzdylyǵyn atap ótti.
Prezıdent: Konstıtýsııalyq komıssııanyń jumysy barynsha ashyq júrgizildi
Partııalyq belsendi Sáken Keldibaev sózinde negizgi memlekettik qujattardy talqylaýǵa qoǵamdyq qatysýdyń mańyzdylyǵyna toqtalyp, Konstıtýsııany jańartý qoǵamnyń ádildik pen basqarýdyń ashyqtyǵyna degen suranysyn beıneleıdi dep atap ótti.
«Áıel qanaty» bastapqy partııa uıymynyń tóraıymy Marına Shıller konstıtýsııalyq reforma azamattyq belsendilik múmkindikterin keńeıtýge, otbasy ınstıtýtyn nyǵaıtýǵa jáne áıelderdiń qoǵamdyq-saıası ómirdegi rólin arttyrýǵa yqpal etetinin atap ótti.
Konstıtýsııalyq komıssııa jańa Ata zańda volonterlik qyzmet mártebesin bekitýdi qoldady
Shet aýdany partııa uıymynyń tóraıymy Araılym Amırova Jańa Konstıtýsııa jobasyn keńinen talqylaý azamattyq qoǵamnyń pisip-jetilgenin jáne azamattardyń eldiń bolashaǵyn qalyptastyrýǵa qatysýǵa umtylysyn kórsetetinin erekshe atap ótti.
Bul kezdesý tek partııaishilik dıalog alańy ǵana emes, memlekettik mańyzy bar reformalar boıynsha ortaq pikir qalyptastyrý alańy boldy.
Is-shara sońynda «Aýyl» partııasynyń 25 jyldyǵyna oraı partııa belsendilerin mereıtoılyq medaldarmen marapattaý rásimi ótkizildi.
