Kezdesý barysynda Premer-mınıstrdiń orynbasary – Mádenıet jáne aqparat mınıstri Aıda Balaeva turaqty quqyqtyq ortany qurýdyń mańyzyn atap ótti. Sondaı-aq jańa Konstıtýsııa jobasynyń ınvestısııalardy qorǵaýdy kúsheıtýge, sot júıesine senim arttyrýǵa jáne turaqty ekonomıkalyq damýǵa jaǵdaı jasaýǵa baǵyttalǵanyn aıtty.
«Kásipker oıyn erejeleriniń kenetten ózgermeıtinine, ınvestısııalarynyń qorǵalatynyna, sot júıesiniń daýlardy ádil ári ashyq sheshetinine senimdi bolýy qajet. Tek osyndaı jaǵdaıda ǵana uzaqmerzimdi strategııalar jasalyp, jańa jumys oryndary ashylady, óndiris damıdy. Sondyqtan 15 naýryzdaǵy referendým – osy qaǵıdalardy konstıtýsııalyq deńgeıde bekitetin tarıhı múmkindik. Jańa Konstıtýsııa jobasynda menshik quqyǵyn qorǵaý kepildikteri kúsheıip, zańdardyń kúshi keri qoldanylýyna tyıym salynady, memlekettik basqarýdyń aıqyn ári jaýapty júıesi qalyptasady. Bul kásipkerlik úshin táýekelderdi azaıtsa, el úshin turaqtylyqty nyǵaıtady, ár azamat úshin bolashaqqa senimdilik beredi», dep atap ótti Aıda Balaeva.
Úkimet basshysynyń orynbasary «Zań jáne tártip» qaǵıdaty shynaıy básekelestikti qalyptastyrýǵa yqpal etetinin de sóz etti.
«Zań jáne tártip» qaǵıdaty adal básekelestik ortasyn qurmaq, onda zańdy bıznes qorǵalya, al jasyryn áreketter áshkerelenedi. Ádl erejeler – kásipkerdiń basty serigi. Memleket basshysy «eńbek adamynyń» mańyzyn beker atap ótpedi. Kásipkerlermen sharýalar – táýekelge bel býyp, jumys oryndaryn ashyp, halyqty jumyspen qamtıtyn, eldiń ekonomıkalyq kúshin qalyptastyratyn adamdar. Jańa Konstıtýsııa ekonomıkalyq bastamany qoldaýǵa jáne sonymen birge zańǵa, qoǵamǵa, keleshek urpaqqa degen jaýapkershilikti kúsheıtýge baǵyttalǵan. Qýatty ekonomıkany qýatty memleketsiz qurý múmkin emes. Al qýatty memlekette senim, ádildik jáne eńbekke qurmet basty qundylyqtar bolyp sanalady. Búginde Qazaqstannyń bolashaǵy – turaqty, básekege qabiletti jáne óz kúshine senimdi el bolatyny bizge baılanysty», dedi Aıda Balaeva.
Sonymen qatar, kezdesýde reformanyń tájirıbelik jaǵy da sóz boldy.
«Kóp jyldar boıy aýyl sharýashylyǵy «qaýipti» sanaldy Biz qurǵaqshylyqpen, baǵamen jáne bıýrokratııamen kúrestik. Endi eldiń Ata zańy halyqqa azyq beretin adamdardyń múddelerin basty orynǵa qoıady. Konstıtýsııada jer men resýrstardyń halyqqa tıesili ekeni anyq kórsetilgen. Sharýalar úshin bul memleket jerlerdi qorǵaýǵa, Jaıylymdardy tozýdan qorǵaý, sýarý júıelerin qalpyna keltirý jáne shóleıttenýge qarsy kúresý máseleleri de qamtylǵan. Sondaı-aq zańdardy ótken kúnmen qoldanýǵa tyıym salý normasynyń bekitilýi de óte mańyzdy. Bul – tehnıkaǵa nesıe alǵan kezde nemese ınfraqurylym salǵanda erteń zańdar ózgerip, qabyldanǵan sheshimder qaıta qaralyp ketpeıtinine kepil bolatyn quqyqtyq qorǵanymyz. 15 naýryzda biz ujym bolyp eldiń jańa bolashaǵyna baǵyttalǵan osy bastamany qoldaımyz», dedi Lıýdmıla Sybenko.
Kezdesýde qatysýshylar ekonomıkalyq jáne salalyq máselelermen qatar, reformalardyń qundylyqtaryna da toqtaldy. Atap aıtsaq, jaýapkershilikke shaqyrý, azamattyq qatysýdyń deńgeıin arttyrý jáne ony qurý mádenıeti talqylandy «SAMGA» damytý ortalyǵynyń jetekshisi Álııa Kóńilhan el úshin tek ekonomıkalyq damý emes, sonymen birge adamgershilik qundylyqtar, berik otbasy jáne bolashaqqa degen jaýapkershilik mańyzdy ekenin atap ótti. «NIETWOMAN» QQ tóraıymy Altynaı Tóleýhan referendým memleket qundylyqtaryn onjyldyqtarǵa aıqyndaıtynyn, al ádil erejeler senim, ınvestısııa men damý úshin, ásirese áleýmettik ekonomıka men áıelder kásipkerliginde mańyzdy ról atqaratynyn málimdedi.
Kezdesý sońynda ShQO-nyń shaǵyn jáne orta bıznesi men agroónerkásip kesheniniń ókilderi konstıtýsııalyq ózgerister turaqtylyqqa kepildik berý, zańdy quqyqtardy qorǵaý, óndiristi jańǵyrtý jáne óńirlerdiń turaqty damýyna jaǵdaı jasaýǵa jol ashatynyn atap ótti.
