Aýqymdy sharanyń basty maqsaty - Memleket basshysy Qasym-Jomart Toqaevtyń aýyl sharýashylyǵyn ártaraptandyrý jáne aýyl halqynyń tabysyn arttyrý úshin tıimdi bıznes baǵyttaryn engizý jónindegi tapsyrmalaryn iske asyrý.Prezıdenttiń strategııalyq baǵdaryna sáıkes, ındýstrııalyq akvamádenıet aýyl ekonomıkasyn órkendetýdiń basty draıveri retinde aıqyndalǵan.
Festıvalge Fransııa, Danııa, Chehııa, Reseı, О́zbekstan jáne Qyrǵyzstannan kelgen álemdik deńgeıdegi sarapshylar, Parlament depýtattary men 1000-nan astam kásipker qatysyp, salany shıkizattyq baǵyttan joǵary tehnologııalyq ındýstrııaǵa aınaldyrý joldaryn talqylady.Jıynnyń ashylýynda Shymkent qalasy ákiminiń orynbasary Aıdyn Kárimov qalanyń eksporttyq logıstıkalyq hab retindegi áleýetin tanystyrsa, QR Parlamenti Májilisiniń depýtaty, «Aýyl» partııasynyń tóraǵasy Serik Egizbaev salaǵa qajetti zańnamalyq ózgeristerdi atap ótti.
«Biz fermerlerdiń zamanaýı tuıyq sýmen jabdyqtaý qondyrǵylaryna (ÝZV) kóshýin qoldaý úshin júıeli quqyqtyq negiz qalyptastyryp jatyrmyz. Bul - aýyl halqynyń tabysyn arttyrýdyń tóte joly», dedi S. Egizbaev.
Forým aıasynda balyq sharýashylyǵy Qazaqstan ekonomıkasynyń eń perspektıvaly draıveri ekeni dáleldendi. Máselen, 2025 jyldyń qorytyndysy boıynsha elimizde balyq ónimderi naryǵy 132 myń tonnaǵajetip, bir jylda 29%-ǵa ósken. Degenmen, sarapshylar ishki naryqtyń áleýeti áli de tolyq paıdalanylmaı otyrǵanyn aıtady: Qazaqstanda jan basyna shaqqandaǵy balyq tutyný jylyna 7 kg qurasa, DDU usynǵan medısınalyq norma - 14,5 kg.
Bul otandyq óndirýshiler úshin ósimniń úlken keńistigi bar ekenin kórsetedi.Halyqaralyq sarapshylar Vensan Berje (Fransııa) men Tomash Polısar (Chehııa) eýropalyq standarttar boıynsha forel men kókserke ósirý tájirıbesimen bólisse, danııalyq «Aller Aqua» kompanııasy jem tıimdiliginiń ınnovasııalyq sheshimderin usyndy. Osy alańda otandyq jáne sheteldik mamandar arasynda qyzý tájirıbe almasý júrip, ındýstrııalyq akvamádenıetti damytýdyń naqty joldary talqylandy.
Ásirese, balyqtyń analyq basyn basqarý, «balyq mektepterin» ashý jáne agrotýrızmdi damytý jobalary kásipkerlerdiń úlken qyzyǵýshylyǵyn týdyrdy.
Festıval qorytyndysy boıynsha qabyldanǵan mańyzdy qujatta salanyń 2030 jylǵa deıingi damý kartasy aıqyndaldy. Negizgi maqsat – balyq ósirý kólemin jylyna 270 myń tonnaǵa, al eksportty 181 myń tonnaǵa ($430 mln) jetkizý. Bul mindetterdi oryndaý úshin memlekettik qoldaý sharalary da kúsheıtilmek: 2026 jyly sýbsıdııalar kólemi 5,3 mlrd teńgege jetti. Sonymen qatar, ımportqa táýeldilikti joıý úshin elimizde keminde 5 balyq azyǵyn shyǵaratyn zaýytsalý, jabdyqtardy 5-6%-ben jeńildikpen kredıtteý jáne
«Balyq sharýashylyǵy» mamandyǵyna memlekettik granttardy 400-gedeıin ulǵaıtý usynyldy.Shara sońynda «AUYL INVEST FEST - 2026» qatysýshylary balyq sharýashylyǵyn sıfrlandyrý, «E-fish» júıesin engizý jáne brakonerlikpen kúresti kúsheıtý arqyly salany ashyq ári tabysty bıznes ortasyna aınaldyrý týraly ortaq sheshimge keldi. Festıvaldiń qorytyndy Rezolıýsııasy tıisti memlekettik organdar men QR Úkimetine joldandy.
