Atalǵan másele Úkimette ótken otyrysta talqylanyp, onda óńirdegi ınvestısııalyq ahýaldy jaqsartý, jańa jobalardy tartý jáne ınvestısııalyq pýldy keńeıtý baǵytynda atqarylyp jatqan jumystar nátıjesi tanystyryldy.
Oblysta 2025 jyldyń basynan beri ınvestısııalyq pýlǵa engizilgen jobalar sany 29-dan 112-ge deıin ulǵaıyp, ınvestısııalar kólemi 2,2 trln teńgeden 4,3 trln teńgege jetken.
Oblys ákimi Berik Ýálıdiń aıtýynsha, 2026 jyly jalpy quny 131,2 mlrd teńgeni quraıtyn 41 ınvestısııalyq jobany iske asyrý josparlanyp otyr. Nátıjesinde 3 myńnan astam jańa jumys orny ashylady.
О́ńirde ınvestorlar tarapynan óndiristik nysandar ornalastyrýǵa suranystyń artýyna baılanysty «О́ndiris» ındýstrııalyq aımaǵynyń aýmaǵy 96 gektardan 190 gektarǵa deıin keńeıtilgen. Sonymen qatar shaǵyn jáne orta bızneske arnalǵan shaǵyn ónerkásiptik park qurý múmkindigi de qarastyrylyp otyr. Jobaǵa sáıkes, arnaıy ekonomıkalyq aımaqtyń aýmaǵy bastapqy kezeńde 600 gektardy qurap, keıin 1000 gektarǵa deıin ulǵaıtylady.
Arnaıy ekonomıkalyq aımaqtyń basym baǵyttary retinde agroónerkásip kesheni, logıstıka, kólik-hab qyzmetteri jáne óńdeý ónerkásibi aıqyndalǵan. Onyń aýmaǵynda birqatar iri ınvestısııalyq jobalardy júzege asyrý josparlanyp otyr.
Talqylaý qorytyndysy boıynsha Premer-mınıstr memlekettik organdarǵa ınvestorlardyń qajetti rásimderden ýaqtyly ótýine jan-jaqty qoldaý kórsetýdi tapsyrdy.
