Sýret: kaz.kazlenta.kz
Jumyspen qamtýdaǵy negizgi baǵyttardyń biri – sýbsıdııalanatyn jumys oryndary. Qazir mundaı jumys oryndaryna 50,6 myń adam joldanǵan. Onyń ishinde 37,6 myń adam qoǵamdyq jumystarǵa, 5,4 myń adam áleýmettik jumys oryndaryna, 2,7 myń maman jastar praktıkasyna, 4,9 myń adam «Kúmis jas» jobasy aıasynda jumysqa ornalasqan. Onlaın oqýmen 31,7 myń jumyssyz azamat qamtylsa, onyń ishinde 25,1 myń adam oqý kýrsyn aıaqtaǵan.
Halyqtyń kásipkerlik daǵdylaryn damytýǵa yqpal etken «Bastaý bıznes» jobasy da úılesimdi jalǵasyp keledi. Jyl basynan beri 16,9 myń adam kásipkerlik negizderin oqyp, 7,3 myń azamat oqýyn sátti aıaqtaǵan. Budan bólek, jumys berýshilerdiń suranysyna saı kadr daıarlaý maqsatynda 2 119 adam kásiptik oqýǵa jiberilgen. Bul qadam óńirlerde eńbek naryǵynyń qajettilikterin eskere otyryp, kásiporyndardy qajetti mamandarmen qamtamasyz etýge múmkindik beredi. Mansap ortalyqtarynyń uıymdastyrýymen 142,8 myń adam áleýmettik kásiptik baǵdar berý, konsýltasııalyq qyzmetter alǵan. Bul qyzmetter jastardyń mamandyqty sanaly tańdaýyna, eńbek naryǵyndaǵy básekege qabiletin arttyrýǵa yqpal etedi.
El azamattaryn jumysqa ornalastyrý birneshe baǵytta iske asady. Al olardyń naqty jumyspen qamtylǵany týraly aqparat oıdan alynbaıdy, mindetti zeınetaqy jarnalarynyń aýdarylýymen rastalady. Búginge deıin jumyspen qamtylǵan 140,8 myń adamnyń shamamen 50,6 myńy jumyspen qamtýǵa járdemdesýdiń is-sharalaryna tartylǵan. 48,3 myń adam Elektrondyq eńbek bırjasynda jarııalanǵan bos jumys oryndaryna ornalasqan. Memleket basshysynyń «10 myń turǵynǵa 100 jumys orny» bastamasy aıasynda 40 myń adam jumys tapsa, 1,9 myń adam ortalyq memlekettik organdar iske asyryp jatqan jobalardyń ıgiligin kórgen.
Taǵy bir mańyzdy aqparat – jyldaǵydaı bıyl da áleýmettik osal sanattaǵy azamattardyń jańa bıznes bastamalaryn qoldaýǵa grant qarastyrylǵan. Joba aıasynda 400 AEK-ke deıingi mólsherde, ıaǵnı 1 730 000 teńge kóleminde 9 myń memlekettik grant berý kózdelipti. Eger jospar jyl sońyna deıin oıdaǵydaı oryndalsa, keler jylǵa deıin osal sanattaǵy azamattardyń áleýmettik jaǵdaıy birshama jaqsarady.
