foto: ashyq derekkóz
Osyǵan baılanysty polısııa qyzmetkerleri atalǵan ýchaskelerde kúsheıtilgen rejımde jumys istep jatyr. Al «QazAvtoJol» mamandary júrgizgen monıtorıng nátıjesinde joldyń tórt bóliginde aqaý anyqtalǵan.
Qozǵalys qaýipsizdigin qamtamasyz etý maqsatynda qaýipti aýmaqtarǵa ýaqytsha jol belgileri qoıylyp, arnaıy brıgadalar jóndeý jumystaryn bastap ketti. Qazir mamandar jol plıtalaryn qalpyna keltirip, asfaltqa túsetin qysymdy azaıtý sharalaryn atqaryp jatyr.
«QazAvtoJol» UK» AQ Túrkistan oblystyq fılıalynyń dırektory Erbol Pirimbetovtiń aıtýynsha, óńirde sońǵy eki aptaǵa jýyq ýaqyt boıy qatty ystyq saqtalyp tur. Aýa temperatýrasy keı jerlerde +42 gradýsqa deıin jetken.
25 jyl jóndeý kórmeıtin jol: Aıagózdik oqýshy plastık qaldyqtardan eko-asfalt jasap shyǵardy
Onyń sózinshe, qazirgi tańda anyqtalǵan tórt ýchaskede qalpyna keltirý jumystary jalǵasyp jatyr. Mamandar aldaǵy bir aı boıy aýa raıyn turaqty baqylap, qajet bolǵan jaǵdaıda táýlik boıy kezekshilik uıymdastyrmaq.
Aqtaý áýejaıynyń ushý-qoný jolaǵyna jergilikti asfaltbeton tóseldi
Aıta keteıik, buǵan deıin «Qazgıdromet» 2026 jylǵy maýsym aıynda elimizdiń ońtústik óńirlerinde aýa temperatýrasy klımattyq normadan joǵary bolatynyn boljaǵan edi.
