Foto: istockphoto.com
ER-100 dep atalatyn terapııa túri kózdiń kórý júıkesine áser etetin aýyr aýrýlardy emdeýge arnalǵan. Atap aıtqanda, emdik shara ashyq buryshty glaýkoma jáne kórý júıkesiniń neıropatııasy sııaqty dertterden zardap shegetin naýqastarǵa qoldanylmaq. Bul aýrýlar ýaqyt óte kele kórý qabiletiniń nasharlaýyna nemese tolyq joǵalýyna ákelýi múmkin.
Ǵalymdardyń túsindirýinshe, adam qartaıǵan saıyn DNQ ózgermeıdi, biraq genderdiń qalaı jumys isteıtinin basqaratyn júıeler buzylady. Sonyń saldarynan jasýshalar óz qyzmetin burynǵydaı tıimdi atqara almaıdy.
Jańa tehnologııanyń maqsaty – jasýshalardyń jumysyn qaıta jandandyrý. Ol úshin Oct4, Sox2 jáne Klf4 dep atalatyn arnaıy aqýyzdar paıdalanylady. Zertteýshiler bul ádis jasýshalardyń qartaıý belgilerin azaıtyp, zaqymdanǵan tinderdiń qalpyna kelýine kómektesýi múmkin dep esepteıdi.
Terapııa buǵan deıin zerthanalyq janýarlar men prımattarda synaqtan ótken. Endi adam qatysatyn alǵashqy klınıkalyq zertteý bastalyp, alǵashqy pasıent em qabyldady. Qazirgi kezeńde ǵalymdar eń aldymen ádistiń qaýipsizdigin teksermek.
Kompanııa ókilderiniń aıtýynsha, eger synaqtar sátti ótse, bolashaqta bul tehnologııany tek kóz aýrýlaryn ǵana emes, baýyr men basqa da aǵzalardyń jasqa baılanysty aýrýlaryn emdeýge qoldanýǵa bolady.
Eske sala keteıik, buǵan deıin reseılik Skolteh ǵalymdary adamnyń bıologııalyq jasyn anyqtaıtyn álemdegi alǵashqy ashyq platformany jasady. Ǵalymdar júıeni «Qartaıý saǵaty» dep atady.
