Álem • Búgin, 08:36

Iran Ormuz buǵazyn tolyq japty

1 mın

oqý úshin

Iran Qarýly kúshteriniń «Hatam ál-Anbııa» ortalyq shtaby Ormuz buǵazy arqyly barlyq kemelerdiń, sonyń ishinde munaı tankerleri men saýda kemeleriniń qozǵalysyna tyıym salynǵanyn málimdedi, dep habarlaıdy Egemen.kz.

Nurbolat AMANBEK

Foto: istockphoto.com

Tegeran bul sheshim AQSh-tyń Iran aýmaǵyna jasaǵan qaıtalama soqqylarynan keıin qabyldanǵanyn atap ótti.

«Osy sátten bastap aımaqtaǵy qaýipsizdik jaǵdaıyna baılanysty Ormuz buǵazy barlyq keme túrleri úshin jabyq dep jarııalanady. Munaı tankerleri men saýda kemelerin qosa alǵanda kez kelgen kemeniń buǵaz arqyly ótý áreketine soqqy beriledi», delingen shtab málimdemesinde.

Sonymen qatar Irannyń Islam revolıýsııasy saqshylary korpýsynyń áskerı-teńiz kúshteri buǵazdan ótýge talpynǵan eki kemege soqqy jasaǵanyn málimdedi.

Eske sala keteıik, buǵan deıin AQSh áskerı kúshteri Iran aýmaǵyna soqqy jasady. Pentagon bul operasııany amerıkalyq Apache tikushaǵy atyp túsirilgen soń júzege asyrǵanyn habarlady.

Keıin Irannyń Islam revolıýsııasy saqshylary korpýsy Aq úıdiń áskerı soqqylaryna jaýap retinde Bahreındegi AQSh-tyń 5-floty kúshterine drondarmen shabýyl jasady.