Otandyq ǵylymnyń jetistikterin dáripteýge, ǵylymı qaýymdastyqtyń áleýetin tanytýǵa baǵyttalǵan shara aıasynda Almaty qalasy ákimdiginiń qoldaýymen «Ǵalymdar alleıasyna» aǵash kóshetteri otyrǵyzylyp, bul bastama ǵylym men tabıǵat úndestiginiń sımvolyna aınaldy.
Saltanatty jıynda Ǵylym jáne joǵary bilim mınıstri Saıasat Nurbektiń quttyqtaýyn vıse-mınıstr Talǵat Eshenqulov oqyp, ǵylym salasy qyzmetkerlerine merekelik lebizin bildirdi. Almaty qalasy ákiminiń orynbasary Abzal Núkenov ǵylymdy qoldaý baǵytyndaǵy baǵdarlamalarǵa toqtalyp, aldaǵy ýaqytta granttyq qarjylandyrý aıasynda iske asatyn birqatar jobalarǵa toqtalyp ótti. О́z kezeginde UǴA vıse-prezıdenti Abaı Serikqanov akademııa tarapynan iske asqan jumystar barysyna toqtalyp, ǵylymdy, ǵalymdardyń qoldaý isindegi birqatar ilgerileýshilikti atap ótti.
Is-shara barysynda akademıkter ǵylymı-zertteý jumystarynyń nátıjelerin tanystyryp, medısına, bıotehnologııa, arheologııa, genetıka jáne ǵylymı ázirlemelerdi kommersııalandyrý salalaryndaǵy ózekti máselelerdi qamtyǵan mazmundy baıandamalar jasady. Sonymen qatar, otandyq ǵalymdar men ónertapqyshtardyń ǵylymı jetistikteri usynylǵan ǵylymı-tanymdyq kórme uıymdastyrylyp, onda ınnovasııalyq jobalar, jańa tehnologııalar men «Ǵylym qory» AQ granttyq baǵdarlamalary aıasynda júzege asqan ónimder keńinen tanystyryldy. Kórme qatysýshylarǵa ǵylymı jańalyqtarmen tanysyp qana qoımaı, áriptestik baılanystar ornatýǵa múmkindik berdi.
Jıyn qorytyndysynda ǵylymdy damytýǵa eleýli úles qosqan ǵalymdar men jas zertteýshiler vedomstvalyq nagradalarmen marapattaldy.
