Ol Jahandyq ekologııalyq qor men BUU Damý baǵdarlamasynan shaǵyn grant alyp, óz aýylynda qaldyqtardy bólek jınaýǵa arnalǵan alǵashqy konteınerlerdi ornatqan.
Bastapqy ıdeıa óte qarapaıym boldy – turǵyndardy qoqysty suryptaýǵa yntalandyrý. Búginde aýyl turǵyndary plastık, shyny jáne qaǵazdy bólip, arnaıy konteınerlerge salady. Ár kılogramm úshin turǵyndar shamamen 30 teńge alady. Al kompanııa bul shıkizatty zaýyttarǵa 100 teńgeden ótkizedi.
Jınalǵan qaldyqtardy Vladıslav ózi alyp ketip, arnaıy alańǵa jetkizedi. Ol jerde shıkizat tazartylyp, presteledi, keıin qaıta óńdeıtin zaýyttarǵa satylady. Túsken tabystyń bir bóligi qaıtadan aýyl turǵyndaryna qaıtarylady – olar bul qarajatty qaıda jumsaýdy ózderi sheshedi.
Júıe jolǵa qoıylǵan soń, yńǵaıly bolý úshin mobıldi servıs te iske qosyldy. Onyń jumysy taksı shaqyrý qaǵıdatyna uqsaıdy: turǵyndar suryptalǵan qoqystyń sýretin jiberip, mekenjaıyn kórsetedi, al kompanııa kelip, qaldyqtardy alyp ketedi.
Jalpy, qaldyqtardy bólek jınaý álemniń kóptegen elinde bar tájirıbe. Alaıda Qazaqstannyń aýyldary úshin bul – áli de jańa baǵyt. Aqsý aýylynda bul ózgeris bir qarapaıym turǵynnyń úıiniń mańyndaǵy beıbereket qoqystan sharshaýynan bastalǵan.
Joba avtorynyń aıtýynsha, qoqys alańdaryn ekinshi rettik shıkizat marketpleısine aınaldyrý qajet. Iаǵnı, bul – turǵyndar óz qaldyqtaryn ákeletin jáne qaıta óńdeýge jaramdy shıkizatty kásipkerler nemese qyzyǵýshylyq tanytqan tulǵalar satyp alatyn oryn. Keıin olar bul shıkizatty zaýyttarǵa ótkize alady. Osyndaı tásil adamdardyń qoqysqa degen kózqarasyn túbegeıli ózgertýi múmkin.
Qazir Vladıslavtyń júıesinde:
- 1000-nan astam otbasy;
- 200-ge jýyq kásiporyn;
- 11 mektep;
- óndiristik sehta 12 qyzmetker bar.
Jylyna 300 tonnadan astam shıkizat qaıta óńdeledi. Al eń bastysy – aýyl turǵyndarynyń alǵysy sheksiz.
