Saltanatty rásim barysynda Q.Ábdirahmanovtyń Irannyń jańadan saılanǵan Prezıdentimen kezdesýi boldy.
«Sizdi Qazaqstan Prezıdenti Nursultan Nazarbaevtyń atynan quttyqtaý men úshin úlken qurmet. Sońǵy jyldar ishinde Siz Qazaqstan basshysymen birlesip ekijaqty qatynastardy strategııalyq yntymaqtastyq deńgeıine kóterdińizder», - dedi Q. Ábdirahmanov.
Sonymen qatar mınıstr Iran Prezıdentin 10-11 qyrkúıekte Astanada ótetin Islam yntymaqtastyǵy uıymynyń ǵylym jáne tehnologııalar jónindegi birinshi sammıtine júrgizilip jatqan daıyndyq týraly habardar etti jáne Qazaqstan Prezıdentiniń búkil ıslam álemi úshin mańyzdy osy is-sharaǵa qatysýǵa shaqyrýyn jetkizdi.
О́z kezeginde Iran Prezıdenti de eki eldiń damý ústindegi yntymaqtastyǵyn asa rızashylyqpen atap ótti, - delingen habarlamada.
