Qala kúnine arnalǵan merekelik baǵdarlama «Medeý» bıik muz aıdynynda 19-20 tamyzda bastalady. Munda «Rýhanı jańǵyrý» aıasynda alǵashqy halyqaralyq «Star of Asia» mýzyka festıvali ótedi. Oǵan Qytaıdyń, Túrkııanyń, Japonııanyń, Ońtústik Koreıanyń, Indııanyń jáne basqa shetelderdiń tanymal ánshileri keledi. Sheteldik ártistermen birge MýzART, Qaırat Nurtas, Aıqyn, Álı Oqapov qatarly elimizdiń estrada juldyzdary óner kórsetedi.
Qala turǵyndary men qonaqtary bir aı boıy «Kóktóbe opera» halyqaralyq mýzyka festıvalin ashyq aspan astynda tamashalaı alady. 17 qyrkúıekte «Almaty Arenada» «Muzzone» telearnasynyń VI Eýrazııalyq «EMA-2017» mýzykalyq syılyǵyn tapsyrý saltanaty ótedi.
Kóńildi mádenı baǵdarlamalardan ózge sport jarystary da ótedi. Olardyń ishinde qazaq kúresi boıynsha «Álem Barysy» týrnıri qala kúni kezine josparlanǵan. Al 9 qyrkúıekte «Alash Pride» palýandar jarysy ótip, eshkimnen jeńilmegen palýan Arman Ospanov brazılııalyq Tıago Tavarespen kúsh synasady.
Sondaı-aq, «Almaty Arenada» «ABBA platinum», «A’studio», «Grıby» konsertteri ótedi. Respýblıka Saraıynda Tóreǵalı Tóreáli, Vaengı, Nargız Zakırova, Pavel Volı jáne basqa qazaq jáne reseılik estrada juldyzdarynyń konsertteri bolady.
