«Vostok-11» páter ıeleriniń tóraǵasy Iýrıı Komandrıkovtyń aıtýynsha, Jambyl kóshesi № 137-shi úıdiń irgesi 1975 jyly qalanǵan. Sodan beri ǵımarattyń janyna birde-bir oıyn alańy ornatylmaǵan. Tek turǵyndardyń kúshimen 2 jyl buryn qos átkenshek turǵyzylǵan. Endi aýlanyń basqa keıipke enip, qulpyra túsken jaıy bar. Bul aýmaqta sý jańa alańqaı boı kóterýde. Qalalyq ákimdik turǵyndardyń balalar oınaıtyn alańyn salý týraly ótinishin qabyl alyp, jergilikti qazynadan qarajat bólinipti. "Strong servise" seriktestiginiń mamandary ár oıyn elementine deıin oılastyryp, sharýany tap-tuınaqtaı atqaryp beripti. Balalardyń qýanyshynda shek joq.
Jyl aıaǵyna deıin 45 oıyn alańyn ornatý belgilense, búginge deıin 30-y paıdalanýǵa berilipti.
«Qala ákiminiń eseptik kezdesýlerinde turǵyndardan balalar alańqaıyn turǵyzý boıynsha 26 ótinish tússe, olardyń barlyǵy eskerildi. Alań qaıtadan qalpyna keltirilse, 1 mıllıon teńgege deıin qarajat jumsalady», deıdi Petropavl qalalyq turǵyn úı qurylysy, jolaýshylar kóligi jáne avtomobıl joldary bóliminiń bas mamany Darhan Aıtbaev.
О́mir Esqalı,
«Egemen Qazaqstan»
Soltústik Qazaqstan oblysy
