Sýret: inform.kz
2017 jyldyń shilde aıynda medısınalyq qyzmettiń sapasy boıynsha Birlesken komıssııanyń sheshimimen jáne Densaýlyq saqtaý mınıstriniń buıryǵymen 2018 jylǵa arnalǵan medısınalyq tegin kómektiń kepildendirgen kólemi men mindetti medısınalyq saqtandyrý júıesinde tegin ambýlatorııalyq dári-dármekterdiń tizimi qaıta qaralyp, keńeıtildi.
Jańa buıryq boıynsha halyqty dári-dármekpen qamtamasyz etýge 106 429 019 926 teńge jumsalatyn bolady. Osy tusta aıta keterligi, 2016 jyly dál osy baǵytta 77 194 551 026 teńge bólingen bolatyn. Osylaısha, 2018 jyly halyqty tegin dári-dármekpen qamtý baǵytynda ótken jylmen salystyrǵanda qarajat 38 prosentke artyq bólinedi.
Tegin ambýlatorııalyq dári-dármekterdiń tizimin bekitý týraly budan burynǵy, ıaǵnı 2011 jyldyń 4 qarashasynda shyqqan QR Densaýlyq saqtaý mınıstriniń m. a. buıryǵyna sáıkes, el turǵyndary aýrýdyń 47 toby, 6 medısınalyq ónimniń túri boıynsha halyqaralyq patenttelmegen ataýly dári-dármektiń 266 túrimen qamtamasyz etilgen.
Mınıstrdiń jańa buıryǵyna saı, halyq aýrýdyń 48 toby, 6 medısınalyq ónimniń túri boıynsha halyqaralyq patenttelmegen ataýly dári-dármektiń 274 túrimen qamtylmaq.
2018 jyly tegin dári-dármekterdiń tizimi oń áser etetini dáleldengen jańa preparattarmen tolyqtyrylǵanyn erekshe atap ótýge bolady; halyqaralyq DSU-nyń keńesine sáıkes, klınıkalyq tájirıbede qoldanylmaıtyn jáne tıimdiligi tómen dári-dármekter tizimnen shyǵarylǵan.
Densaýlyq saqtaý mınıstrligi ýaqyt óte kele stasıanorlardaǵy negizsiz em-domdy tómendetip, ambýlatorııalyq deńgeıde aýrý-syrqattardy basqaryp otyrý úshin tegin ambýlatorııalyq dári-dármekterdiń tizimin ýaqyt óte kele keńeıtýdi josparlap otyr.
Tizimdegi jańa aýrýdyń túri - aýtoımýndy syrqattardyń tobyna jatatyn ankılozırýemdi spondılıt. Budan bylaı ankılozırýemdi spondılıtpen aýyratyn naýqastar birinshi qatardaǵy preparattar retinde «ındometasın» men «sýlfasalazın» atty eki dárini ala alady. Al eki dári áser bermeı jatsa, «golımýmab», «adalımýmab» atty taǵy eki bıologııalyq dárini alýǵa múmkindik bar.
Memleket aýrýdyń aýyr túrlerine shaldyqqan naýqastar men olardyń otbasylaryn erekshe kóńil bólip keledi. Máselen, em qonbaıtyn aýrýlardyń túrine shaldyqqan naýqastarǵa pallıatıvti kómek kórsetý úshin beriletin tegin dári-dármekterdiń tizimi uzartylǵan. HDSU-nyń keńesi boıynsha Densaýlyq saqtaý mınıstrligi tegin ambýlatorııalyq dári-dármekterdiń tizimine 15 dáriniń túri men ónimin: ketoprofen; tramadol, morfın, fentanıl, prednızolon, deksametazon, omeprazol, amıtrıptılın, karbamazepın, metoklopramıd, dıazepam, bısakodıl, spıronolakton, torasemıd t.s.s. kirgizdi.
Jańa ózgeristerge sáıkes, týberkýlez, VICh-ınfeksııa, sozylmaly aýrýlarǵa beriletin tegin dárilerdiń tizimi keńeıtildi.
Jańa buıryqta balalarǵa da erekshe den qoıylyp otyr. Balalardyń arasyndaǵy artrıtti jazý úshin ambýlatorııalyq deńgeıde ekinshi baǵyt boıynsha preparattardyń tizimine taǵy da dári-dármekter qosyldy. Bıologııalyq preparattardyń terapııasynyń nátıjesinde, aýrýdyń klınıkalyq beınesi jaqsaryp, aýrýhanaǵa jetkizilý jaǵdaıy azaıady.
Tegin ambýlatorııalyq dári-dármekterdiń tizimine júrektiń ıshemııalyq aýrýlaryn emdeıtin zamanǵa saı dáriler engizilgen. 2018 jyly statın («atorvastatın») tobynan dári-dármekter kirgizilgen. Statınderdi qoldaný arqyly júrektiń ıshemıalyq aýrýlary azaıyp, ınfarkt alý jaǵdaıy tómendeıdi. Sonymen birge, jańa buıryq negizinde gematologııalyq aýrýlardy emdeýge arnalǵan dári-dármekterdiń sany burynǵydan 11-ge artty.
Tegin ambýlatorııalyq dári-dármektermen qamtamasyz etý buıryǵynda qarjylandyrý jaǵynan respýblıkalyq deńgeıde jáne jergilikti deńgeıde aqsha bólý tártibi ózgerissiz qaldyryldy.
