Nazarbaev Ýnıversıtetiniń janyndaǵy Energetıkalyq ǵarysh zerthanasynyń ǵylymı qyzmetkeri Mıhaıl Dessenıanyń aıtýynsha, Ortalyq Azııa boıynsha mundaı jabdyqty alǵash bolyp Qazaqstan ornatpaq.
«Ázirge test jumystar júrip jatyr, teleskopta optıkalyq kameralar ornatylady. Teleskop ǵaryshtaǵy joǵary energetıkalyq jarqyldardy baqylaý úshin qoldanylady, bul gamma-jarqyldar jáne basqa da kózder. Ol Almatynyń ońtústik-shyǵysyna qaraı 76 km jerde ornatylady. Bul oryn ǵaryshty baqylaý úshin burynnan beri paıdalanylyp keledi. Sol jerde jeke teleskop ornatylyp, birneshe joba iske asyrylady», - dep atap ótti M. Dessenıa.
Joba jetekshisi – qazaqstandyq ǵalym-professor Qanat Baıkarın (Nazarbaev Ýnıversıteti) jáne fızıkadan Nobel syılyǵynyń laýreaty Djordj Smýt (Kalıfornııa). Qanatqaqty jobany QR Bilim jáne ǵylym mınıstrligi qarjylandyrady.
