Onyń 3600-i (2016 j. I jarty jyldyǵynda 2883 sheteldik týrıst kelgen) sheteldik qonaqtar. Bul ótken jyldyń tıisti merzimimen salystyrǵanda 50%-ǵa kóp. Bul týraly OQO kásipkerlik, ındýstrıaldy-ınnovasııalyq damý jáne týrızm basqarmasynyń ókilderi habarlady.
Sheteldik týrısterdi ejelgi Túrkistan, Otyrar aýdandarynyń tarıhı oryndary qyzyqtyryp, olar kóbinese Arystan bab jáne Qoja Ahmet Iаssaýı kesenelerin aralap júr. Sheteldik meımandardyń birazy Ońtústikke «EKSPO-2017» halyqaralyq kórmesi aıasynda kelip jatyr. Búginge deıin shara sheńberinde kúngeıge de kelip-ketýdi uıǵarǵan týrısterdiń ishinde Qytaı, Úndistan jáne Sıngapýr eliniń azamattary da bar. О́ńirdegi tarıhı oryndar, sáýlettik qurylymdar men eskertkishterdi tamashalaý úshin sheteldik qonaqtar birneshe kún júrgen.
Aıta keteıik, búgingi tańda oblysymyzdyń barlyq aýdan, qalalarynda 1, 2 jáne 3 kúndik týrıstik baǵyttar jumys isteıdi. Olardyń aıasynda tarıhı-mádenı jáne tabıǵı 84 nysandy aralaýǵa bolady. Týrıstik baǵyttarǵa qosylǵan negizgi nysandar Otyrar qalashyǵy, Arystan bab keseseni, Saýran qalashyǵy, Qoja Ahmet Iаssaýı kesenesi men Áziret Sultan kesheni, Saıram-О́gem memlekettik ulttyq-tabıǵı parki men Aqmeshit úńgiri jáne t.b. oryndar.
Týrıstik baǵyttardyń ishinde Otyrar aýdanyndaǵy týrısterdi qyzyqtyratyn etnoaýyl da bar. Qazaq aýylynyń aýmaǵynda kóshpendilerdiń mádenıeti men turmysyn barynsha shynaıy qalpynda kórip, sezinýge bolady. Jylqy men túıege minip, ásem tabıǵatta serýendeýge, keń dalanyń taza aýasynan jutyp, qazaqtyń ulttyq taǵamdarynan dám tatýǵa bolady.
