Oblystyq aýyl sharýashylyǵy basqarmasynyń habarynsha qytaılyqtar aýyldardan et alyp, daıyn ónim shyǵarýdy josparlaýda.
Jergilikti kásipkerler qytaılyqtarmen birlesip túıirshiktelgen mal azyǵyn daıyndaıtyn jobany qolǵa almaqshy. Árıne, eksporttyń artýy sharýalar úshin tıimdi bolary anyq. О́zimiz jerdi saqtap, baptap kútetin bolsaq-jer de bizdi saqtaıdy degendeı.
Qazir Qytaı kásipkerleri bizdiń aýyldardyń aq bıdaıyna, dámdi balyna, taza, sapaly unyna qyzyǵyp otyr. Jergilikti kásipkerlerdiń de nazary Qytaı naryǵynda. Sondyqtan bal, bıdaı, un ónimderin eksporttaý boıynsha eki jaqsy hattamaǵa qol qoıylypty. Túrkııa elinen de ınvestorlar kelip ketipti. Biraq, qytaılyqtar bizdiń oblystan jekizilgen et, et ónimderiniń sapasyna syn aıtypty. Qazir pavlodarlyq qaıta óńdeý kásiporyndaryna halyqaralyq zerthanalardyń mamandary tartylýda.
Jalpy, Pavlodar oblysynda aýyl sharýashylyǵy ónimderin qaıta óńdeıtin 300 kásiporyn bar. Onyń 221-i ósimdik sharýashylyǵy ónimderin óńdese, 79-y mal sharýashylyǵy salasynda jumys isteıdi. Azyq-túlik ónimderin óndirý kólemi alty aıda 30,7 mlrd.teńgeni quraǵan. Jyl basynan beri Reseı, Qyrǵyzstan, О́zbekstan elderine jalpy kólemi 46,4 myń tonna bolatyn bıdaı, un, jarma, sábiz, kartop jóneltilipti.
Farıda BYQAI,
«Egemen Qazaqstan»
