Bul týraly bıylǵy jyldyń alty aıyn qorytyndylaǵan Astana qalasynyń mamandandyrylǵan aýdanaralyq sotynyń tóraǵasy Ýálıhan Rahmatýllaev málim etti. Sot tóraǵasynyń aıtýynsha, 2017 jyly 6 aıynda atalǵan sotqa 16498 ákimshilik is kelip túsken. Onyń búginge deıin 15857-i qaralǵan. Byltyrǵy jylmen salystyrǵanda kelip túsken ákimshilik ister 303-ke az bolyp otyr.
Ákimshilik isterdiń azaıýyn Ýálıhan Rahmatýllaev Sot kabınetiniń qoldanylýymen baılanystyrady. Onyń aıtýynsha, sot saıtyndaǵy Sot kabıneti, ıaǵnı elektrondy júıe arqyly aryz-shaǵymdaryn berýshiler artyp keledi. Elektrondy júıege ótkendikten, is-qaǵazdarmen jumys atqarý deńgeıi azaıǵan. Máselen, joǵaryda atalǵan 16 myńnan asa istiń 9400-ge jýyǵy (jartysynan kóbi) Sot kabıneti arqyly kelip túsken.
Ákimshilik isterdiń arasynda 121 is bıyl (otbasylyq janjal) bitimgershilikpen aıaqtalyp otyr. Al jalpy qaralǵan isterdiń 65-70 prosenti jol-kólik oqıǵasyna baılanysty qozǵalǵan. Sonymen qatar, Astanada qoǵamdyq tártipti buzý jaǵdaılarynyń kóbeıgeni (2580 is) anyqtalǵan. Qujatsyz júrgender boıynsha 343 is qaralǵan.
«Alty aıdyń ishinde 11806 adamǵa 497 mln 225 myń 222 teńgeniń aıyppuly salyndy. Onyń ishinde 203 mln 369 myń teńge adamdardyń óz erkimen dereý tólengen. Ákimshilik qamaý jazasyna 399 adam tartyldy. 1167 adam kólik júrgizý quqyǵynan aıyryldy», - deıdi Ýálıhan Rahmattýllaev.
