Investısııalyq operasııalardy júzege asyrý erejelerine sáıkes QR Ulttyq qorynyń bazalyq valıýtasy - AQSh dollary bolyp tabylady.
Basqarý nátıjesi boıynsha 2017 jyldyń alǵashqy toqsanynda 1,3 mlrd ınvestısııalyq tabys túsken. Bastapqy derekter boıynsha, jartyjyldyqta ınvestısııalyq tabys kólemi 2,4 mlrd AQSh dollaryna jetti.
Mamandar jarııalanymdaǵy 784 mlrd teńge kólemindegi ınvestısııalyq shyǵyndardyń qaıdan paıda bolǵanyn túsindirdi.
«Ulttyq valıýta baǵamynyń AQSh dollaryna shaqqandaǵy baǵamy ótken jyldyń sońynan bastap (333,29) bıylǵy naýryzǵa deıin (314,79) nyǵaıýy jalpy tabysty (shyǵyndy) eseptegen kezde baǵam aıyrmasyn týdyrdy. Osy ýaqyt aralyǵynda teńge valıýtasyndaǵy aktıvterdiń quny ózgergen bolatyn», - dedi mamandar.
2016 jyldyń sońynda bekitilgen QR Ulttyq qorynyń qarajatyn qalyptastyrý jáne paıdalaný tujyrymdamasyna sáıkes Ulttyq qordyń bekitilgen kórsetkishterin, Ulttyq qor qarajatyn qalyptastyrý jáne paıdalaný týraly esepterdi, sondaı-aq sońǵy 5 jáne 10 jyldaǵy jáne basqarý bastalǵannan bergi kiristilik boıynsha nátıjeler men olardy ınvestısııalyq basqarý týraly esepterdi Qarjy mınıstrligi jarııalaýǵa mindetti.
