Belarýs delegasııasy elordamyzǵa EKSPO-2017 kórmesiniń qurylys nysandary salasynda, qalalyq ınfraqurylym, kommýnaldy sharýashylyq basqarmasy sektorynda Astananyń tájirıbesin úırený úshin keldi.
Kezdesý barysynda taraptar sáýlet jáne qala qurylysy, smart tehnologııalardy qoldaný, qalalyq sharýashylyqty basqarý, energotıimdi jasyl qurylys standarttaryn qoldaný, qoǵamdyq kóliktiń jumysy, aýmaqty abattandyrý salasynda yntymaqtastyq máselesin talqylady. Energotıimdi tehnologııalardy qoldaný men qalalardy damytý salasynda ynmaqtastyq ornatý jáne tájirıbe almasý basty ári ózekti másele boldy. Oǵan qosa qos tarap kommýnaldy tehnıka jáne jabdyqtar óndirisi salasynda ónerkásiptik kooperasııada yntymaqtastyq máselesin talqylady.
Onymen birge Belarýs eliniń delegasııasy Astananyń Bas josparymen tanysyp, qala basshylyǵymen qosymsha kezdesýler ótkizdi.
Esterińizge sala keteıik, Elbasynyń tapsyrmasy boıynsha Astanada 2020 jylǵa deıin qalany damytý baǵdarlamasy iske asyrylýda, oǵan sáıkes Astana shahary ózin aqyldy ári qaýipsiz qala, óńir sheńberinde ınvestorlar men ınnovasııalar úshin óńirlik halyqaralyq ortalyq retinde qalyptastyrady.
