- Vladımır Andreevıch, Chernogorııa jáne Fransııa jastar quramalaryna qarsy daıyndyq týraly pikir bildirseńiz.
- Tamyz aıynda ishki chempıonattaǵy úzilisti paıdalanyp, Talǵarda qysqa merzimdi oqý-jattyǵý jıynyn ótkizdik. Jattyǵý jıyny komanda úshin óte mańyzdy. Qyrkúıek aıynda Chernogorııa jáne Fransııa quramalarymen ótkizetin oıyn aldynda fýtbolshylardyń kúshin synap kóretin sońǵy synaq boldy.
- Jartylaı qorǵaýshy, komanda kapıtany Dıdar Jalmuqannyń oıynyna toqtalyp ótseńiz?
- Sońǵy oqý-jattyǵý jıynynda irikteý oıyndarynda úmit artatyn negizgi fýtbolshylardyń barlyǵyn jınadyq. Dıdar Jalmuqan bizdiń oıynymyzdyń negizgi tiregi sanalady. Ol barlyq shabýylǵa belsene aralasady. Jastar quramasynyń sapynda ózin jaqsy jaǵynan kórsetedi dep úmittenemiz.
- Qarsylasymyz Chernogorııa quramasy týraly qandaı oıdasyz?
- Irikteý kezeńinde biz úshin álsiz qarsylas joq. 2019 jylǵy Eýropa chempıonatynyń irikteý kezeńinde bizge qarsy oınaıtyn barlyq komandanyń sheber oıynshylary bar. Chernogorııa men Fransııa quramalaryndaǵy fýtbolshylardyń jekeleı sheberligi myqty. Al biz komandalyq oıyn men taktıkaǵa basa nazar aýdaramyz. Fýtbolshylardan jankeshtilik talap etiledi.
- Chernogorııa quramasyna qarsy match Aqtóbede ótedi. Bul qalanyń fýtbol tarıhynda sizdiń eńbegińiz de jazylǵan. Jankúıerlerdiń qoldaýy osy oıynǵa áser ete me?
- Qazaqstan jastar quramasynyń oıynyna jankúıerlerdiń kóp jınalǵanyn qalaımyn. Aqtóbede fýtboldy qalaı jaqsy kóretinin, óz komandasyna qalaı qoldaý kórsetetini bárine aıan. Bizdiń oıynshylarǵa jankúıerlerdiń qoldaýy úlken kúsh beredi. Aqtóbedegi Qobylandy batyr atyndaǵy Ortalyq stadıonnyń atmosferasy úlken kómek bolady dep senemin.
