Parlament joǵarǵy Palatasynyń basshysy BUU-nyń Qarýsyzdaný jónindegi mártebeli ókil retindegi qarýdy taratpaý sekildi kúrdeli salada onyń tabysty bolýyna tilektestigin bildirdi.
Q.Toqaev beıbitshilik pen turaqtylyqty qoldaýda, qaýipsizdiktiń halyqaralyq júıesin nyǵaıtýda BUU mańyzdy qural ekenin atap ótti. Senat Tóraǵasy Qazaqstan Qarýsyzdaný jónindegi konferensııanyń qyzmetine zor mańyz beretinin jáne ony qarýsyzdaný, qarýdy taratpaý jáne baqylaý salasyndaǵy kóptarapty birden-bir kelissóz alańy retinde qarastyratynyn aıtty.
I.Nakamısý ıadrolyq qarýsyzdaný isindegi Qazaqstannyń kóshbasshylyǵyna joǵary baǵa berip, osy taqyryptaǵy pikirsaıysqa ǵalymdardy tartýdyń mańyzdylyǵyn atap ótti.
Taraptar Iаdrolyq qarýǵa tyıym salý týraly sharttyń aldaǵy ýaqytta ratıfıkasııalanýy máselesin talqylady. Qujat ıadrolyq qarýsyzdaný máseleleri jónindegi sońǵy 20 jyldaǵy zańdy túrdegi mindetti qural bolyp tabylady jáne aldaǵy qyrkúıek aıynda qol qoıýǵa usynylý josparlanǵan.
