Onda Nobel syılyǵynyń laýreaty Mohan Mýnasın, Taza energııa jónindegi Amerıka-Qytaı seriktestigi uıymynyń tóraıymy Peggı Lıý sekildi tanymal tulǵalar pikir almasyp, qorshaǵan ortany qorǵaý problemalaryn sheshý jáne turaqty energetıkany damytý úshin jańa ekonomıkalyq ári saıası seriktestik qarym-qatynastar qajettigin áńgimeledi.
Jıynda Ádilet mınıstrligi Zııatkerlik menshik quqyǵy departamentiniń dırektory Natalıa Pan sóz sóılep, 2015 jyldan bastap «jasyl» ekonomıkaǵa kóshý tujyrymdamasy aıasynda 2 593 tehnologııa patenttelgenin jetkizdi. Olardyń jartysynan kóbi tabıǵatty qorǵaýǵa baǵyttalsa, 45 paıyzy qatty mıneraldy bólshekterge qatysty. «Búgingi tańda ekojúıeni saqtamaı, ekonomıkany damytý múmkin emes. Elimiz jańǵyrmaly energııa kózderine kóshý men energetıkalyq prosesterde energııanyń jumsalýyn qysqartýǵa barynsha kúsh salady. Osy oraıda 2013 jyly «jasyl» ekonomıkaǵa kóshý konsepsııasyn qabyldadyq. Bul qujat Ekonomıkany úshinshi jańǵyrtý memlekettik baǵdarlamasy boıynsha júzege asyp otyr», dedi Natalıa Pan.
Qazirgi tańda álemde gazdy qosa alǵanda dástúrli energııa kózderin tutyný kólemi azaıyp keledi. Esesine jańǵyrmaly energııa kózderin qoldaný kólemi artý ústinde. Osy salany damytýǵa jáne ınnovasııalyq jańalyqtar engizý úshin Qazaqstan keıbir zańnamalyq aktilerine ózgerister men tolyqtyrýlar engizilgen.
Ashat RAIQUL,
«Egemen Qazaqstan»
